നാഗ്പൂര്‍: പീഡനക്കേസ് പ്രതിക്ക് ജാമ്യം കിട്ടിയതില്‍ മനംനൊന്ത് ഇരയായ പതിനാറുകാരി ജീവനൊടുക്കി. മഹാരാഷ്ട്രയിലെ നാഗ്പൂരിലാണ് സംഭവം. തിങ്കളാഴ്ചയാണ് പെണ്‍കുട്ടി ആത്മഹത്യ ചെയ്തത്.
രണ്ടാനമ്മയുടെ ബന്ധുവാണ് പെണ്‍കുട്ടിയെ പീഡിപ്പിച്ചത്. ജൂണിലാണ് പീഡനം നടന്നത്. പരാതിയെത്തുടര്‍ന്ന് അറസ്റ്റിലായ പ്രതി നാഗ്പുര്‍ സെന്‍ട്രല്‍ ജയിലില്‍ ജുഡീഷ്യല്‍ കസ്റ്റഡിയിലായിരുന്നു. കഴിഞ്ഞ ദിവസമാണു ജാമ്യം ലഭിച്ചത്. ഇതോടെ, പെണ്‍കുട്ടി കടുത്ത വിഷാദത്തിലും ഭയത്തിലുമായിരുന്നെന്ന് ബന്ധുക്കള്‍ പൊലീസിനോടു പറഞ്ഞു.
അച്ഛനും രണ്ടാനമ്മയ്ക്കും സഹോദരനുമൊപ്പമാണ് പെണ്‍കുട്ടി താമസിച്ചിരുന്നത്. പ്രതിയുടെ ഭാഗത്തുനിന്ന് പെണ്‍കുട്ടിക്ക് ഭീഷണിയൊന്നും ഉണ്ടായിട്ടില്ലെന്നും കേസില്‍ വിശദമായ അന്വേഷണം നടത്തുമെന്നും പൊലീസ് വ്യക്തമാക്കി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
