ആദായനികുതി റെയ്ഡ് ഉൾപ്പെടെ 'അനർഥങ്ങൾ'- പ്രായശ്ചിത്തമായി ഡികെ ശിവകുമാർ വക 'വെള്ളി ഹെലികോപ്റ്റർ'

ബംഗളൂരു: ക്ഷേത്രത്തിന് മുകളിലൂടെ ഹെലികോപ്റ്ററിൽ സഞ്ചരിച്ചതിന് പ്രായശ്ചിത്തം ചെയ്ത് കർണാടക കോൺ​ഗ്രസ് അധ്യക്ഷൻ ഡികെ ശിവകുമാർ. 2018ലാണ് ശിവകുമാർ ബെല്ലാരിയിലുള്ള ക്ഷേത്രത്തിൽ സന്ദർശനത്തിനായി ഹെലികോപ്റ്ററിൽ വന്നിറങ്ങിയത്. 

വെള്ളിയിൽ തീർത്ത ഹെലികോപ്റ്റർ മാതൃക നടയ്ക്കു വച്ചാണ് ശിവകുമാറിന്റെ പ്രായശ്ചിത്തം. ഹൂവിനഹദഗലി മൈലാർലിംഗേശ്വര ക്ഷേത്രത്തിലാണ് ശിവകുമാർ നേർച്ച നടത്തിയത്. 

വർഷാവർഷം പദയാത്രയായി പതിനായിരക്കണക്കിനു തീർഥാടകർ എത്തുന്ന ക്ഷേത്രത്തിനു മുകളിലൂടെ പറന്നതിനെ തുടർന്നാണ് ആദായനികുതി റെയ്ഡുകൾ ഉൾപ്പെടെയുള്ള അനർഥങ്ങൾ നടന്നതെന്നു പാർട്ടി പ്രവർത്തകരിൽ ചിലർ വിശ്വസിക്കുന്നു. അതിലൊരാൾ സംഭാവന ചെയ്തതാണ് ഹെലികോപ്റ്റർ മാതൃകയെന്നു ശിവകുമാർ പറഞ്ഞു.