അഹമ്മദാബാദ്: ഗുജറാത്തിലെ വഡോദരയില് ഗതാഗതം സ്തംഭിപ്പിച്ച് പാനിപൂരി കച്ചവടക്കാരനും യുവതിയും തമ്മില് തര്ക്കം. പാനിപൂരി എണ്ണം കുറിച്ച് കച്ചവടക്കാരന് തന്നെ കബളിപ്പിച്ചുവെന്ന് ആരോപിച്ച് യുവതി റോഡില് കുത്തിയിരുന്ന് പ്രതിഷേധിക്കുകയായിരുന്നു.
വഡോദരയിലെ സുര്സാഗര് ലേക്കിന് സമീപം വെള്ളിയാഴ്ച വൈകീട്ട് അഞ്ചരയോടെ ആയിരുന്നു യുവതിയും പാനിപൂരി കച്ചവടക്കാരനും തമ്മിലുള്ള തര്ക്കം അരങ്ങേറിയത്. 20 രൂപയ്ക്ക് നാല് പാനിപൂരി നല്കിയ കച്ചവടക്കാരന്റെ നടപടിയാണ് യുവതിയെ പ്രകോപിപ്പിച്ചത്. ആറ് പാനിപൂരി നല്കണമെന്നതായിരുന്നു ഇവരുടെ ആവശ്യം. കച്ചവടക്കാരന് ഇതിന് വിസമ്മതിച്ചതോടെ സ്ത്രീ പ്രതിഷേധിക്കുകയായിരുന്നു. രണ്ടെണ്ണം കൂടി നല്കണം എന്ന് ആവശ്യപ്പെട്ട് യുവതി റോഡില് കുത്തിയിരിക്കുകയും ആളുകള് കൂടിയതോടെ ഗതാഗത തടസം രൂപപ്പെടുകയുമായിരുന്നു.
തര്ക്കം വാഹന ഗതാഗതത്തെ ബാധിച്ചതോടെ പൊലീസ് സ്ഥലത്ത് എത്തുകയും യുവതിയെ അനുനയിപ്പിക്കുകയുമായിരുന്നു. സ്ഥലത്ത് എത്തിയ പൊലീസിനോടും യുവതി മതിയായ പാനിപൂരി നല്കിയില്ലെന്ന് അറിയിച്ചു. കരഞ്ഞുകൊണ്ടായിരുന്നു യുവതി ഇക്കാര്യം അറിയിച്ചത്. സംഭവത്തിന്റെ ദൃശ്യങ്ങള് സോഷ്യല് മീഡിയയിലും വൈറലായി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
