'അമ്പമ്പോ അതി മനോഹരം', ട്രെയിനിനെ 'മൂടി' ദൂത്‌സാഗര്‍ വെള്ളച്ചാട്ടം- വീഡിയോ 

കൊങ്കണ്‍ പാതയിലൂടെയുള്ള ട്രെയിന്‍ യാത്രയില്‍ ആര്‍ക്കും മറക്കാന്‍ കഴിയാത്ത കാഴ്ചയാണ് ദൂത്‌സാഗര്‍ വെള്ളച്ചാട്ടം. ട്രെയിനിനെ വരെ ജല കണികകള്‍ പുതപ്പ് പോലെ മൂടുന്ന വിസ്മയമായ കാഴ്ചകള്‍ ആരിലും ആനന്ദം ഉളവാക്കുന്നതാണ്. ഇപ്പോള്‍ റെയില്‍വേ മന്ത്രാലയം പങ്കുവെച്ച വീഡിയോയാണ് വ്യാപകമായി പ്രചരിക്കുന്നത്.

പശ്ചിമഘട്ട മലനിരയില്‍ ഗോവയിലാണ് ദൂത് സാഗര്‍ വെള്ളച്ചാട്ടം. മഴക്കാലത്ത് ദൂത്‌സാഗര്‍ വെള്ളച്ചാട്ടം കാണാന്‍ സഞ്ചാരികളുടെ ഒഴുക്കാണ്. മലനിരയില്‍ നിന്ന് വിരിഞ്ഞ് താഴേക്ക് ഒഴുകുന്ന വെള്ളച്ചാട്ടത്തിന്റെ മനോഹര ദൃശ്യം എല്ലാവരുടെയും മനംകവരുന്നതാണ്. മഞ്ഞ് പോലെ ജലകണികകള്‍ അന്തരീക്ഷത്തില്‍ തളംകെട്ടി നില്‍ക്കുന്നതാണ് ഏറെ ആകര്‍ഷണീയത നല്‍കുന്നത്.