ശ്രീനഗര്: ജമ്മു കശ്മീരിലെ അനന്ത്നാഗില് ഭീകരരുമായി ഉണ്ടായ ഏറ്റുമുട്ടലില് രണ്ട് സൈനികര്ക്ക് വീരമൃത്യു. അഹ്ലാന് ഗഡോളില് ശനിയാഴ്ച ഉച്ചയ്ക്ക് ശേഷമായിരുന്നു ഏറ്റുമുട്ടല്. ഏറ്റുമുട്ടലിനിടെ ഒരു സൈനികനും നാട്ടുകാര്ക്കും പരിക്കേറ്റതായി പൊലീസ് പറഞ്ഞു. ഇവരെ ആശുപത്രിയിൽ പ്രവേശിപ്പിച്ചു.
കോക്കര്നാഗ് സബ് ഡിവിഷനിലെ വനമേഖലയില് പട്രോളിങ്ങിനിടെ സൈനികർക്ക് നേരെ ഭീകരർ വെടിയുതിര്ക്കുകയായിരുന്നു. ഭീകരർ വിദേശരാജ്യത്ത് നിന്നുള്ളവരാണ് എന്നാണ് സൈന്യത്തിന്റെ സ്പെഷല് ഫോഴ്സും പാരാട്രൂപ്പേഴ്സിന്റെയും പ്രാഥമിക നിഗമനം. ഇവരെ കണ്ടെത്താനുള്ള അന്വേഷണം ശക്തമാക്കിയിട്ടുണ്ട്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
കഴിഞ്ഞ ഒരു കൊല്ലത്തിനിടെ കോക്കര്നാഗില് നടക്കുന്ന രണ്ടാമത്തെ വലിയ ഏറ്റുമുട്ടലാണ് ഇത്. 2023 സെപ്റ്റംബറില് ഭീകരവാദികളുമായി നടന്ന ഏറ്റുമുട്ടലില് ഒരു കമാന്ഡിങ് ഓഫീസര്, ഒരു മേജര്, ഒരു ഡിഎസ്പി ഉള്പ്പെടെയുള്ളവര് രക്തസാക്ഷിത്വം വരിച്ചിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
