ന്യൂഡല്ഹി: കരസേനാ മുന് മേധാവി ജനറല് എംഎം നരവനെയുടെ പുസ്തകവുമായി ബന്ധപ്പെട്ട വിവാദത്തില് 'പെന്ഗ്വിന് റാന്ഡം ഹൗസ് ഇന്ത്യ'യ്ക്ക് നോട്ടീസയച്ച് ഡല്ഹി പൊലീസ്. പുസ്തകത്തിന്റെ ഉള്ളടക്കം ചോര്ന്നതുമായി ബന്ധപ്പെട്ട അന്വേഷണങ്ങളോട് സഹകരിക്കണമെന്നും ചോദ്യങ്ങള്ക്ക് മറുപടി നല്കണമെന്നുമാണ് നിര്ദേശം.
പെന്ഗ്വിന് റാന്ഡം ഹൗസ് ഇന്ത്യയ്ക്ക് അയച്ച നോട്ടീസില് കേസുമായി ബന്ധപ്പെട്ട ചോദ്യങ്ങള്ക്ക് ഉത്തരം തേടുകയും പ്രസാധകരോട് അന്വേഷണത്തില് പങ്കുചേരാന് ആവശ്യപ്പെടുകയും ചെയ്തയായും ഡല്ഹി പൊലീസ് പറഞ്ഞു.
പ്രസിദ്ധീകരിക്കാത്ത പുസ്തകത്തിലെ ഭാഗങ്ങള് ചോര്ന്നതുമായി ബന്ധപ്പെട്ട ക്രിമിനല് ഗൂഢാലോചനയില് ഡല്ഹി പൊലീസ് സ്പെഷ്യല് സെല് കേസെടുക്കുകയായിരുന്നു. പ്രസിദ്ധീകരണത്തിന് പ്രതിരോധ മന്ത്രാലയത്തിന്റെ അനുമതി ലഭിക്കാത്ത പുസ്തകത്തിലെ വിവരങ്ങള് നിയമവിരുദ്ധമായി വിതരണം ചെയ്യുന്നതിനെതിരെയാണ് കേസെടുത്തത്. പൊലീസ് കേസ് രജിസ്റ്റര് ചെയ്തതിന് പിന്നാലെ രണ്ട് തവണ പ്രസാധകര് വിശദീകരണ കുറിപ്പ് ഇറക്കിയിരുന്നു.
പുസ്തകത്തിന്റെ അനധികൃത പകര്പ്പുകള് പ്രചരിക്കുന്നുവെന്ന വാര്ത്തകള്ക്കും പാര്ലമെന്റിലെ രാഷ്ട്രീയ തര്ക്കങ്ങള്ക്കും പിന്നാലെയായിരുന്നു പെന്ഗ്വിന്റെ വിശദീകരണം.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
