പട്‌ന: തമിഴ്‌നാട്ടില്‍ ഹിന്ദി സംസാരിച്ചതിനു ബിഹാറി തൊഴിലാളികളെ കെട്ടിത്തൂക്കി കൊലപ്പെടുത്തിയെന്ന് ട്വിറ്ററിലൂടെ വ്യാജ പ്രചാരണം നടത്തിയ ബിജെപി നേതാവ് പ്രശാന്ത് ഉമ്രാവുവിനോടു മാപ്പു പറയാന്‍ സുപ്രീം കോടതി നിര്‍ദേശം. ബിജെപി യുപി സംസ്ഥാന വക്താവാണ് പ്രശാന്ത്. തമിഴ്‌നാട്ടില്‍ ഹിന്ദി സംസാരിച്ചതിനു 15 ബിഹാറി തൊഴിലാളികളെ മുറിക്കുള്ളില്‍ കെട്ടിത്തൂക്കിയെന്നും ഇതില്‍ 12 പേര്‍ മരിച്ചെന്നുമായിരുന്നു പ്രശാന്തിന്റെ ട്വീറ്റ്.
പ്രശാന്ത് ഉമ്രാവുവിന് മുന്‍കൂര്‍ ജാമ്യം അനുവദിച്ച സുപ്രീം കോടതി, ഉത്തരവാദിത്തത്തോടെ പെരുമാറാനും ഉപദേശിച്ചു. പ്രശാന്തിനെതിരെ തമിഴ്‌നാട്ടില്‍ നിരവധി എഫ്‌ഐആറുകള്‍ റജിസ്റ്റര്‍ ചെയ്തിരുന്നു. മദ്രാസ് ഹൈക്കോടതിയില്‍നിന്ന് മുന്‍കൂര്‍ജാമ്യം ലഭിച്ചെങ്കിലും ചില എഫ്‌ഐആറുകള്‍ക്കു മാത്രമേ ബാധകമായിരുന്നുള്ളൂ. തുടര്‍ന്നാണ് എല്ലാ എഫ്‌ഐആറുകളും ഉള്‍പ്പെടുത്തി മുന്‍കൂര്‍ ജാമ്യത്തിനായി പ്രശാന്ത് സുപ്രീം കോടതിയെ സമീപിച്ചത്.
ഈ വാര്‍ത്ത കൂടി വായിക്കൂ സവര്‍ക്കറെ പറ്റി ഇനി മിണ്ടില്ല; 'കോണ്‍ഗ്രസ് സമ്മതിച്ചു'
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
