കുട്ടിയാനകൾ തമ്മിൽ അടിപിടി; ഇടപെട്ട് 'മുതിർന്നവർ'- വീഡിയോ 

കാട്ടിലെ ദൃശ്യങ്ങൾക്ക് കാഴ്ചക്കാർ ഏറെയാണ്. ആനയുടെയും കടുവയുടെയും പുലിയുടെയും ദൃശ്യങ്ങൾ പുറത്തുവരുന്ന ​ഘട്ടത്തിൽ തന്നെ സോഷ്യൽമീഡിയയിൽ അടക്കം ഹിറ്റാണ്. ആനക്കൂട്ടത്തിനൊപ്പമാണ് കുട്ടിയാനകൾ സഞ്ചരിക്കാറ്. കുട്ടിയാനകളുടെ സംരക്ഷണാർത്ഥം ചുറ്റിലുമായി അണിനിരന്നാണ് വലിയ ആനകളുടെ സഞ്ചാരം. ഇപ്പോൾ ആനക്കുട്ടികൾ തമ്മിൽ അടിപിടി കൂടുന്ന ദൃശ്യങ്ങളാണ് വൈറലാകുന്നത്. 

പർവീൺ കസ്വാൻ  ഐഎഫ്എസ് ആണ് ദൃശ്യങ്ങൾ പങ്കുവെച്ചത്. തീറ്റതേടുന്ന ആനക്കൂട്ടത്തെയും സമീപത്തായി വാശിയോടെ അടിപിടി കൂടുന്ന ആനക്കുട്ടികളെയും ദൃശ്യത്തിൽ കാണാം. തുമ്പിക്കൈ കൊണ്ട് ഒരു കുട്ടിയാനയെ പിന്നോട്ട് തള്ളുകയാണ്.

പോരാട്ടം മുറുകിയതോടെ കുട്ടിയാനകൾക്ക് അരികിലേക്ക് ആനക്കൂട്ടം ഓടിയെത്തി. സഹോദരങ്ങൾ തമ്മിൽ അടിപിടി കൂടിയാൽ മുതിർന്നവർക്ക് ഇടപെടേണ്ടി വരും എന്ന മുഖവരയോടെയാണ് ദൃശ്യം പങ്കുവെച്ചിരിക്കുന്നത്.

ഈ വാര്‍ത്ത കൂടി വായിക്കൂ 

പിഞ്ചുകുഞ്ഞിനെ ലക്ഷ്യമാക്കി പാമ്പ്, രക്ഷകരായി വളര്‍ത്തുനായ്ക്കള്‍; പിന്നീട്- വീഡിയോ 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ