ചെന്നൈ: ശിവകാശിയില്‍ അനധികൃതമായി പടക്കങ്ങള്‍ സൂക്ഷിച്ച സ്ഥലത്ത് പൊട്ടിത്തെറി. നെഹ്രുജി മേഖലയിലെ ജനവാസമേഖലയിലാണ് അപകടമുണ്ടായിരിക്കുന്നത്. രണ്ട് നില കെട്ടിടം തകര്‍ന്നു. നാല് പേര്‍ കുടുങ്ങിക്കിടക്കുന്നതായും റിപ്പോര്‍ട്ടുകളുണ്ട്. രണ്ടുപേര്‍ക്ക് പരിക്കേറ്റു.
വൈകീട്ട് ആറരയോടെയാണ് അപകടം. പടക്കങ്ങള്‍ അനധികൃതമായി സൂക്ഷിച്ച കെട്ടിടത്തിലാണ് അപകടമുണ്ടായത്. ദീപാവലിക്കായി തയ്യാറാക്കി വച്ച ഫാന്‍സി പടക്കങ്ങളുടെ ശേഖരമാണിതെന്നാണ് പറയുന്നത്. വിറ്റതിന് ശേഷവും ബാക്കി വന്ന ടണ്‍ കണക്കിന് പടക്കങ്ങളാണ് ഇവിടെ സൂക്ഷിച്ചിട്ടുള്ളത്.
ഫാന്‍സി പടക്കങ്ങള്‍ വലിയ തോതില്‍ ഉള്ളതിനാലാണ് പൊട്ടിത്തെറി ഏറെ നേരം നീണ്ടു. പൊട്ടിത്തെറിയില്‍ കെട്ടിടം തകര്‍ന്നു. ഉളളില്‍ കുടുങ്ങിയ രണ്ടുപേരെ ഫയര്‍ഫോഴ്‌സ് രക്ഷിച്ചു. മനോജ് വേല്‍രാജ് എന്നിവരെയാണ് രക്ഷപ്പെടുത്തിയത്
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
