അഹമ്മദാബാദ്:ഭക്ഷണപ്പൊതികള്‍ കൊണ്ട് ഗണേശ വിഗ്രഹം അലങ്കരിച്ച് യുവതി. ഗണേശ ചതുര്‍ത്ഥി ആഘോഷങ്ങളുടെ ഭാഗമായി ഗുജറാത്ത് സ്വദേശിനിയായ രാധിക സോനി എന്ന സ്ത്രീയാണ് വിഗ്രഹം അലങ്കരിക്കാന്‍ ഭക്ഷണപ്പൊതികള്‍ തെരഞ്ഞെടുത്തത്.
1008 പാക്കറ്റ് ബിസ്‌ക്കറ്റ് കൊണ്ട് ശിവലിംഗവും 850 രുദ്രാക്ഷവും അതിന് നടുക്കായി ഗണേശ വിഗ്രഹം സ്ഥാപിക്കുകയുമായിരുന്നു ഇവര്‍. ഭക്ഷണം പാഴാക്കുന്നതിനെതിരെ ബോധവത്കരണം നടത്താന്‍ ലക്ഷ്യമിട്ടായിരുന്നു ഇത്. വിഗ്രഹത്തിന്റെ ഇരുവശങ്ങളിലുമായി മിച്ചഭക്ഷണം പാവപ്പെട്ട ആളുകള്‍ക്ക് എത്തിച്ചുനല്‍കാന്‍ പ്രവര്‍ത്തിക്കുന്ന രണ്ട് സംഘടനകളുടെ ഫഌക്‌സും കാണാം.
വ്യക്തിപരമായ അനുഭവത്തെതുടര്‍ന്നാണ് രാധിക ഈ തീരുമാനത്തിലേക്കെത്തിയത്. വീട്ടില്‍ ഒരു പരിപാടി നടത്തിയതിനെ തുടര്‍ന്ന് ഒരുപാട് ഭക്ഷണം ബാക്കിയാവുകയും അര്‍ഹരായ ആളുകളിലേക്ക് എത്തിക്കാന്‍ ഏറെ പ്രയാസപ്പെടുകയുമുണ്ടായി. ലോകത്താകമാനം ഭക്ഷണത്തിന്റെ മൂന്നിലൊന്ന് പാഴാക്കപ്പെടുന്നുണ്ടെന്നും രാധിക പറയുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
