മദുരൈ: ഏതു ഭാഷയില് ലഭിക്കുന്ന നിവേദനത്തിനും ഹിന്ദിയില് മറുപടി നല്കാനാവില്ലെന്ന് കേന്ദ്ര സര്ക്കാരിനോട് മദ്രാസ് ഹൈക്കോടതി. ഇംഗ്ലിഷിലാണ് നിവേദനം ലഭിക്കുന്നതെങ്കില് ആ ഭാഷയില് തന്നെ മറുപടി നല്കണമെന്ന് കോടതി നിര്ദേശിച്ചു.
ഇംഗ്ലിഷില് നല്കിയ നിവേദനത്തിന് ഹിന്ദിയില് മറുപടി ലഭിച്ചതിനെത്തുടര്ന്ന് സിപിഎം പാര്ലമെന്റ് അംഗമായ സു വെങ്കടേശ്വരനാണ് ഹൈക്കോടതിയെ സമീപിച്ചത്. കേന്ദ്രം സംസ്ഥാനങ്ങളുമായി നടത്തുന്ന കത്തിടപാടുകള് ഇംഗ്ലീഷില് വേണമെന്ന് നിര്ദേശം നല്കണമെന്നാണ് ഹര്ജിയില് ആവശ്യപ്പെട്ടത്.
ഏതു ഭാഷയിലാണോ നിവേദനം ലഭിക്കുന്നത് ആ ഭാഷയില് തന്നെ മറുപടി നല്കാന് കേന്ദ്രത്തിനു ബാധ്യതയുണ്ടെന്ന് ഭരണഘടനയും ഔദ്യോഗിക ഭാഷാ നിയമവും ചൂണ്ടിക്കാട്ടി കോടതി പറഞ്ഞു. ഏതു ഭാഷയിലും സര്ക്കാരിനു നിവേദനം നല്കാന് പൗരന് ഭരണഘടന അവകാശം നല്കുന്നുണ്ടെന്ന് ജസ്റ്റിസുമാരായ എന് കിരുബകരനും എം ദുരൈസ്വാമിയും അടങ്ങിയ ബെഞ്ച് വ്യക്തമാക്കി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
