ഹിപ്പോയുടെ പുറത്ത് ആമക്കൂട്ടത്തിന്റെ സുഖ സവാരി; പിന്നെ സംഭവിച്ചത്- വീഡിയോ 

ഹിപ്പോയുടെ പുറത്ത് സൗജന്യ സവാരി  നടത്താമെന്ന് കരുതി കയറിയ ഒരു സംഘം ആമകളുടെ ദൃശ്യം സോഷ്യല്‍മീഡിയയില്‍ വൈറലാകുന്നു.
ഇന്ത്യന്‍ ഫോറസ്റ്റ് സര്‍വീസ് ഓഫിസറായ സുധാ രാമനാണ് ട്വിറ്ററിലൂടെ ഈ ദൃശ്യം പങ്കുവച്ചത്. 

വെള്ളത്തില്‍ കിടക്കുന്ന ഹിപ്പോയുടെ മുകളില്‍ ഒരു സംഘം ആമകള്‍ നിലയുറപ്പിച്ചിരിക്കുന്നതാണ് വിഡിയോയുടെ തുടക്കത്തില്‍ . പെട്ടെന്ന്  ഹിപ്പോപൊട്ടാമസ് വെള്ളത്തില്‍ നിന്നും എഴുന്നേറ്റതോടെ നിലതെറ്റിയ ആമകള്‍ ഊര്‍ന്നു വെള്ളത്തിലേക്ക്  വീണു. ഇരുപത്തഞ്ചിലധികം ആമകള്‍ ഉണ്ടായിരുന്നിടത്ത് പിന്നെ  എട്ടോ ഒന്‍പതോ ആമകള്‍ മാത്രമാണ് ഹിപ്പോയുടെ പുറത്ത് അവശേഷിച്ചത്. 28 സെക്കന്‍ഡ് മാത്രം ദൈര്‍ഘ്യമുള്ള വിഡിയോ ട്വിറ്ററിലെത്തിയതോടെ മികച്ച പ്രതികരണമാണ് ലഭിക്കുന്നത്.