ഊണിന് കൊടുത്തതില്‍ അഞ്ചുരൂപ കുറഞ്ഞു, ഹോട്ടലുടമയും മകനും ചേര്‍ന്ന് നടുറോഡിലിട്ട് ക്രൂരമായി തല്ലിച്ചതച്ചു - വീഡിയോ 

ഭുവനേശ്വര്‍: ഒഡീഷയില്‍ ഉച്ചഭക്ഷണത്തിന് അഞ്ചുരൂപ കുറച്ച് നല്‍കിയതിന് ഉപഭോക്താവിനെ ഹോട്ടലുടമയും മകനും ചേര്‍ന്ന് ക്രൂരമായി മര്‍ദ്ദിക്കുന്നതിന്റെ ദൃശ്യങ്ങള്‍ പുറത്ത്. സംഭവത്തില്‍ ഇരുവരെയും പൊലീസ് അറസ്റ്റ് ചെയ്തു.

കിയോണ്‍ജാര്‍ ജില്ലയിലാണ് സംഭവം. ഊണ് കഴിച്ച ശേഷം ഹോട്ടലുടമ 45 രൂപ ആവശ്യപ്പെട്ടു. എന്നാല്‍ പോക്കറ്റില്‍ 40 രൂപ മാത്രം ഉണ്ടായിരുന്ന ദേഹുരി അഞ്ചുരൂപ പിന്നെ തരാം എന്ന് പറഞ്ഞു. എന്നാല്‍ ഹോട്ടലുടമ ഇത് സമ്മതിച്ചില്ല. കുപിതനായ ഹോട്ടലുടമയും മകനും ചേര്‍ന്ന് യുവാവിനെ മര്‍ദ്ദിച്ചു എന്നതാണ് പരാതി. 

ചോറും പയറും പച്ചക്കറിയും ചേര്‍ന്ന ഭക്ഷണത്തിന്  45 രൂപയാകുന്നത് എങ്ങനെ എന്ന് ദേഹുരി ചോദിക്കുന്നു. അഞ്ചുരൂപ അടുത്ത തവണ തരാമെന്ന് പറഞ്ഞിട്ടും അവര്‍ കേട്ടില്ല. നടുറോഡില്‍ മറ്റുള്ളവര്‍ കാണ്‍കെ തന്നെ ഒരു ദയയുമില്ലാതെ മര്‍ദ്ദിച്ചതായി ദേഹുരി പറയുന്നു.