വാഷിങ്ടണ്: യുഎസിലെ ഡാലസില് ഇന്ത്യന് വിദ്യാര്ഥി വെടിയേറ്റ് മരിച്ചതായി റിപ്പോര്ട്ട്. ഹൈദരാബാദ് സ്വദേശിയായ ചന്ദ്രശേഖര് പോള് എന്ന 27കാരനാണ് കൊല്ലപ്പെട്ടത്. കഴിഞ്ഞ ദിവസം രാത്രി ഒരു ഗ്യാസ് സ്റ്റേഷനില് ജോലി ചെയ്യവേ അജ്ഞാതനായ തോക്കുധാരി വെടിയുതിര്ക്കുകയായിരുന്നുവെന്നാണ് റിപ്പോര്ട്ട്.
ഹൈദരാബാദില് ഡെന്റല് സര്ജറിയില് ബിരുദം പൂര്ത്തിയാക്കിയ ശേഷം 2023-ലാണ് പോള് ഉപരിപഠനത്തിനായി യുഎസിലേക്ക് പോയത്. ആറ് മാസം മുമ്പ് അദ്ദേഹം മാസ്റ്റേഴ്സ് ബിരുദം പൂര്ത്തിയാക്കി. മുഴുവന് സമയ ജോലിക്കായി ശ്രമിക്കുന്നതിനിടയിലാണ് ഗ്യാസ് സ്റ്റേഷനില് പാര്ട്ട് ടൈമായി ജോലിയില് പ്രവേശിച്ചത്.
മകന്റെ മൃതദേഹം യുഎസില് നിന്ന് നാട്ടിലെത്തിക്കാന് വിദ്യാര്ഥിയുടെ കുടുംബം സര്ക്കാരിന്റെ സഹായം തേടിയിട്ടുണ്ട്. ബിആര്എസ് എംഎല്എ സുധീര് റെഡ്ഡിയും മുന് മന്ത്രി ടി ഹരീഷ് റാവുവും ഹൈദരാബാദിലെ വിദ്യാര്ഥിയുടെ വീട് സന്ദര്ശിക്കുകയും കുടുംബാംഗങ്ങളെ കാണുകയും ചെയ്തു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
