സുപ്രീംകോടതി ജഡ്ജിയുടെ ഇടപെടല്‍; ഹാസ്യ അവതാരകന്‍ മുനവര്‍ ഫറുഖി ജയില്‍ മോചിതനായി

ന്യൂഡൽഹി: ഹിന്ദു ദൈവങ്ങളെയും, കേന്ദ്ര ആഭ്യന്തര മന്ത്രി അമിത്​ ഷായെയും അവഹേളിച്ചുവെന്ന്​ ആരോപിച്ച്​ അറസ്റ്റ്​ ചെയ്യപ്പെട്ട സ്റ്റാൻഡ്​ അപ്​ കൊമേഡിയൻ മുനവർ ഫാറൂഖി ജയിൽ മോചിതനായി. ശനിയാഴ്ച രാത്രി 11 മണിയോടെ​ മധ്യപ്രദേശ്​ ഇന്ദോർ ജയിലിൽ നിന്ന്​ അദ്ദേഹം മോചിതനായി.

സുപ്രീം കോടതി വെള്ളിയാഴ്ച​ മുനവർ ഫാറൂഖിക്ക്​ ജാമ്യം അനുവദിച്ചിരുന്നു​. എന്നാൽ മുനവറിന്റെ ജയിൽ മോചനം വൈകിപ്പിക്കാനും ശ്രമം നടന്നു. ഉത്തരവിൻറെ പകർപ്പ്​ ലഭിച്ചില്ലെന്ന്​ കാട്ടി മധ്യപ്രദേശ്​ പൊലീസ്​ മോചനം വൈകിപ്പിക്കുകയായിരുന്നു. ഇതോടെ സപ്രീംകോടതിയിലെ മുതിർന്ന ജഡ്​ജി ഇന്ദോറിലെ ചീഫ്​ മെട്രോപൊളിറ്റർ മജിസ്​ട്രേറ്റിനെ ടെലിഫോണിൽ ബന്ധപ്പെട്ട ഇടപെടൽ നടത്തിയതോടെയാണ് മുനവർ ജയിൽ മോചിതനായത്.

ജുഡീഷ്യറിയിൽ പൂർണ വിശ്വാസമുണ്ടെന്ന് ജയിൽ മോചിതനായ ശേഷം മുനവർ ഫാറൂഖി പ്രതികരിച്ചു. മധ്യപ്രദേശ്​ ഹൈകോടതി നേരത്തേ മുനവറിന്​ ജാമ്യം നിഷേധിച്ചിരുന്നു. മുനവർ ഫാറൂഖിക്കെതിരെ തെളിവുകൾ നിരത്താനോ കേസ്​ ഡയറി ഹാജരാക്കാനോ പൊലീസിന്​ കഴിയാതെയിരുന്നിട്ടും ജാമ്യം നിഷേധിക്കുകയായിരുന്നു.