ന്യൂഡല്‍ഹി: അതിര്‍ത്തി രക്ഷാ സേനയായ ഐടിബിപിയില്‍ പുതിയ 'അതിഥികള്‍'. ഐടിബിപിയുടെ ഡോഗ് സ്‌ക്വാഡിലാണ് 17 നായ്ക്കുട്ടികള്‍ പുതിയ അതിഥികളായി എത്തിയത്. മാലിനോയിസ് ഇനത്തില്‍പ്പെട്ട ഓള്‍ഗയും ഒലേഷ്യയ്ക്കുമാണ് നായ്ക്കുട്ടികള്‍ പിറന്നത്. ഭീകരന്‍ ഉസാമ ബിന്‍ ലാദനെ വധിച്ച അമേരിക്കന്‍ ദൗത്യത്തില്‍ പങ്കാളിയായിരുന്നു ഓള്‍ഗയും ഒലേഷ്യയും.
ഐടിബിപിയുടെ ഹരിയാന പഞ്ചകുളയിലെ പട്ടികളെ പരിശീലിപ്പിക്കുന്ന ദേശീയ പരീശിലന കേന്ദ്രത്തിലാണ് 17 മാലിനോയിസ് ഇനത്തില്‍പ്പെട്ട നായ്ക്കുട്ടികളെ പരിപാലിക്കുന്നത്. ഇവയെ ഭീകര, മാവോയിസ്റ്റ് വിരുദ്ധ പ്രവര്‍ത്തനങ്ങള്‍ക്കായി പരിശീലിപ്പിക്കുമെന്ന് ഐടിബിപി അറിയിച്ചു. നായ്ക്കുട്ടികളുടെ ദൃശ്യങ്ങള്‍ പുറത്തുവന്നിട്ടുണ്ട്.
ഐടിബിപിയുടെ ഭീകരവിരുദ്ധ പ്രവര്‍ത്തനങ്ങളില്‍ ഓള്‍ഗയും ഒലേഷ്യ പങ്കാളികളാണ്. ഐടിബിപി സൈനികര്‍ക്ക് സുരക്ഷ ഒരുക്കുന്നതില്‍ മികച്ച സേവനം കാഴ്ചവെച്ചിട്ടുണ്ട്. ഒളിഞ്ഞിരുന്നുള്ള ആക്രമണത്തില്‍ സൈന്യത്തിന് സൂചനകള്‍ നല്‍കുന്നതില്‍ മികച്ച ട്രാക്ക് റെക്കോര്‍ഡാണ് ഇരു നായ്ക്കള്‍ക്കും ഉള്ളത്. സഹോദരിമാരായ ഓള്‍ഗയ്ക്കും ഒലേഷ്യയ്ക്കും അഞ്ചു വയസാണുള്ളത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
