കാറ്റ് നിറയ്ക്കുന്നതിനിടെ ജെസിബിയുടെ ടയര് പൊട്ടിത്തെറിച്ചു; രണ്ടുമരണം- വീഡിയോ
റായ്പൂര്: ഛത്തീസ്ഗഡില് ജെസിബിയുടെ ടയര് പൊട്ടിത്തെറിച്ച് രണ്ടുമരണം. വര്ക്ക്ഷോപ്പില് കാറ്റ് നിറയ്ക്കുന്നതിനിടെയാണ് ജെസിബിയുടെ ടയര് പൊട്ടിത്തെറിച്ചത്.
ചൊവ്വാഴ്ച റായ്പൂരിലെ സില്ത്താര വ്യവസായ മേഖലയിലാണ് സംഭവം. ജെസിബിയുടെ ടയറില് കാറ്റ് നിറയ്ക്കുന്നതിനിടെയാണ് സംഭവം ഉണ്ടായത്. ഇതിന്റെ സിസിടിവി ദൃശ്യങ്ങള് പുറത്തുവന്നിട്ടുണ്ട്.
വര്ക്ക്ഷോപ്പിലെ ജീവനക്കാരന് ടയറില് കാറ്റ് നിറയ്ക്കുന്നത് വീഡിയോയില് ദൃശ്യമാണ്. ടയറിലെ കാറ്റിന്റെ അളവ് പരിശോധിക്കാന് മറ്റൊരു തൊഴിലാളി എത്തി ടയറില് അമര്ത്തി നോക്കുന്നതും വീഡിയോയില് കാണാം. ഇതിന് പിന്നാലെയാണ് പൊട്ടിത്തെറി ഉണ്ടായത്.
പൊട്ടിത്തെറിയില് രണ്ടു തൊഴിലാളികളും തത്ക്ഷണം മരിച്ചതായി പൊലീസ് പറയുന്നു. പൊലീസ് അന്വേഷണം ആരംഭിച്ചിട്ടുണ്ട്.
ഈ വാര്ത്ത കൂടി വായിക്കാം
സമകാലിക മലയാളം ഇപ്പോൾ വാട്ട്സ്ആപ്പിലും ലഭ്യമാണ്. ഏറ്റവും പുതിയ വാർത്തകൾ അറിയാൻ ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
