ബംഗളൂരുവിലേത് ആസൂത്രിത സ്‌ഫോടനം; സ്ഥിരീകരിച്ച് മുഖ്യമന്ത്രി സിദ്ധരാമയ്യ
ബംഗളൂരു: കര്‍ണാടകയിലെ രാമേശ്വരം കഫെയില്‍ നടന്നത് ബോംബ് സ്‌ഫോടനമെന്ന് സ്ഥിരീകരണം. ആസൂത്രിതമായ സ്ഫോടനമാണ് ബ്രൂക്ക് ഫീല്‍ഡിലെ കഫെയില്‍ നടന്നതെന്നു കര്‍ണാടക മുഖ്യമന്ത്രി സിദ്ധരാമയ്യ സ്ഥിരീകരിച്ചുഐഇഡി ഉപയോഗിച്ചിട്ടുണ്ടോ എന്ന് വ്യക്തമായിട്ടില്ലെന്നും മുഖ്യമന്ത്രി. കഫെയ്ക്കുള്ളില്‍ ഒരാള്‍ ബാഗ് ഉപേക്ഷിച്ച് പോകുന്നത് സിസിടിവി ദൃശ്യങ്ങളില്‍ വ്യക്തമാണെന്നു അന്വേഷണ ഉദ്യോഗസ്ഥരും സ്ഥിരീകരിച്ചു.
സ്ഫോടനത്തില്‍ ഒമ്പതു പേര്‍ക്ക് പരുക്കേറ്റു. നാലു പേരുടെ നില ഗുരുതരമാണ്. ജീവനക്കാര്‍ക്കും കഫെയിലെത്തിയവര്‍ക്കുമാണ് പരുക്ക്. ബാഗില്‍ സൂക്ഷിച്ചിരുന്ന സ്‌ഫോടക വസ്തുവാണ് പൊട്ടിത്തെറിച്ചത്.
കഫെയിലെ മുഴുവന്‍ നിരീക്ഷണ കാമറ ദൃശ്യങ്ങളും ഉടമകള്‍ പൊലീസിന് നല്‍കി. സ്‌ഫോടനത്തിന് മുന്‍പ് നടന്ന സംഭവങ്ങളെല്ലാം ഇതില്‍ നിന്നും വിശകലനം ചെയ്യുകയാണ് പൊലീസ്. എന്തെങ്കിലും തരത്തിലുള്ള പ്രതികാരമാണോ എന്നതും പൊലീസ് സംശയിക്കുന്നു.
വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍
സ്‌ഫോടനമുണ്ടായ സ്ഥലം ബോംബ് സ്‌ക്വാഡ് പരിശോധിച്ച് സാമ്പിളുകള്‍ ശേഖരിച്ചു മടങ്ങി. എന്‍ ഐ എ സംഘം സംഭവ സ്ഥലത്ത് എത്തും. സ്ഫോടനത്തില്‍ പരിക്കേറ്റവരില്‍ നിന്നും പൊലീസ് മൊഴി എടുത്തു. നാലു പേരാണ് ഗുരുതരപരിക്കുകളോടെ ബ്രൂക്ക് ഫീല്‍ഡിലെ സ്വകാര്യ ആശുപത്രിയില്‍ ചികിത്സ തേടിയിരിക്കുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
