കർണാടകയിൽ ലോക്ക്ഡൗൺ നീട്ടി; 24 വരെ നിയന്ത്രണങ്ങൾ തുടരും 

ബം​ഗളൂരു: കോവിഡ് വ്യാപനം കുറയാത്ത പശ്ചാത്തലത്തിൽ കർണാടകയിൽ ലോക്ക്ഡൗൺ നീട്ടി. മെയ് 10 മുതൽ 24 വരെ നിയന്ത്രണങ്ങൾ തുടരുമെന്ന് മുഖ്യമന്ത്രി ബി എസ് യദ്യൂരപ്പ അറിയിച്ചു. അവശ്യ സാധനങ്ങൾ വിൽക്കുന്നതിന് രാവിലെ ആറ് മുതൽ 10 വരെ സമയം അനുവദിച്ചിട്ടുണ്ട്. 

ലോക്ക്ഡൗൺ താത്കാലികമായി മാത്രം തീരുമാനിച്ചിട്ടുള്ളതാണെന്നും കുടിയോറ്റ തൊഴിലാളികൾ സംസ്ഥാനം വിടരുതെന്നും യദ്യൂരപ്പ പറഞ്ഞു. രാവിലെ 10 മണിക്ക് ശേഷം പുറത്തിറങ്ങുന്നത് നിരോധിച്ചിരിക്കുകയാണെന്നും പാലിക്കാത്തവർക്കെതിരെ കർശന നടപടി സ്വീകരിക്കാൻ പൊലീസിന് നിർദേശം നൽകിയിട്ടുണ്ടെന്നും അദ്ദേഹം പറഞ്ഞു. കോവിഡ് കേസുകളുടെ വർധനയും മരണനിരക്ക് ഉയരുന്നതും പരിഗണിച്ചാണ് ലോക്ക്ഡൗൺ നീട്ടാൻ തീരുമാനിച്ചത്.