മഹാരാഷ്ട്രയിലും ഝാർഖണ്ഡിലും ജനവിധിയെന്ത്? കൂടിക്കാഴ്ച നടത്തി മഹാവികാസ് അഖാഡി സഖ്യം

മും​ബൈ: മ​ഹാ​രാ​ഷ്‌​ട്ര, ഝാർഖണ്ഡ് നി​യ​മ​സ​ഭാ തെ​ര​ഞ്ഞെ​ടു​പ്പ് ഫ​ല​ പ്ര​ഖ്യാ​പ​നം ഇ​ന്ന്. മ​ഹാ​രാ​ഷ്‌​ട്ര​യി​ൽ 288 ഉം ​ഝാർഖണ്ഡി​ൽ 81 ഉം ​മ​ണ്ഡ​ല​ങ്ങ​ളാ​ണു​ള്ള​ത്. ര​ണ്ടി​ട​ത്തും ബി​ജെ​പി സ​ഖ്യ​ത്തി​നു മു​ൻ​തൂ​ക്ക​മു​ണ്ടെ​ന്നാ​ണ് എ​ക്സി​റ്റ് പോ​ൾ പ്ര​വ​ച​നം. ‌എ​ന്നാ​ൽ ഇ​രു സം​സ്ഥാ​ന​ങ്ങ​ളി​ലും ത​ങ്ങ​ൾ സ​ർ​ക്കാ​ർ രൂ​പ​വ​ത്ക​രി​ക്കു​മെ​ന്ന് ഇ​ന്ത്യ സ​ഖ്യം അ​വ​കാ​ശ​പ്പെ​ടു​ന്നു. മ​ഹാ​രാ​ഷ്‌​ട്ര​യി​ൽ 145 സീ​റ്റാ​ണ് ​കേവ​ല ഭൂ​രി​പ​ക്ഷ​ത്തി​നു വേ​ണ്ട​ത്.

ഝാ​ർ​ഖ​ണ്ഡി​ൽ 42 ഉം. ​ഫ​ലം വ​രു​ന്ന​തി​ന് മു​ന്നേ ത​ന്നെ മു​ഖ്യ​മ​ന്ത്രി സ്ഥാ​ന​ത്തെ ചൊ​ല്ലി ഇ​ന്ത്യ മു​ന്ന​ണി​ക്കു​ള്ളി​ൽ അ​സ്വാ​ര​സ്യ​ങ്ങ​ൾ രൂപപ്പെട്ടു കഴിഞ്ഞു. ഒ​രു മു​ഖ്യ​മ​ന്ത്രി സ്ഥാ​നാ​ർ​ഥി​യെ ഉ​യ​ർ​ത്തി കാ​ട്ടാ​തെ​യാ​യി​രു​ന്നു ഇ​ന്ത്യ‌ സ​ഖ്യ​ത്തി​ന്‍റെ പ്ര​ചാ​ര​ണം. ഝാ​ർ​ഖ​ണ്ഡി​ൽ ബി​ജെ​പി സ​ഖ്യ​വും ജെ​എം​എം സ​ഖ്യ​വും ഒ​രേ​പോ​ലെ വി​ജ​യം അ​വ​കാ​ശ​പ്പെ​ടു​ന്നു. 67.74 ശ​ത​മാ​നം പോ​ളിങ്ങാണ് ഇ​ത്ത​വ​ണ ഝാർ​ഖ​ണ്ഡി​ൽ രേ​ഖ​പ്പെ​ടു​ത്തി​യ​ത്. ദേശീയ രാഷ്ട്രീയത്തെ സ്വാധീനിക്കുന്ന തെരഞ്ഞെടുപ്പ് ഫലമാകും മഹാരാഷ്ട്രയിൽ ഇന്ന് തെളിയുക.

ശിവസേന രണ്ടായി പിളര്‍ന്ന ശേഷമുള്ള ആദ്യ നിയമസഭ തെരഞ്ഞെടുപ്പാണിത്. അതേസമയം മഹാരാഷ്ട്ര നിയമസഭ തെരഞ്ഞെടുപ്പിന്റെ ഫലമറിയാൻ മണിക്കൂറുകൾ മാത്രം ശേഷിക്കെ പ്രതിപക്ഷ മുന്നണിയായ മഹാവികാസ് അഖാഡിയിലെ നേതാക്കൾ കൂടിക്കാഴ്ച നടത്തി. കോൺഗ്രസ് നേതാക്കളായ ബാലാസാഹെബ് തൊറാട്ട്, സതേജ് പാട്ടീൽ, ശിവസേനാ ഉദ്ധവ് വിഭാഗം നേതാവ് സഞ്ജയ് റാവത്ത് എംപി, എൻസിപി ശരദ് പവാർ പക്ഷം സംസ്ഥാന അധ്യക്ഷൻ ജയന്ത് പാട്ടീൽ എന്നിവരാണ് കൂടിക്കാഴ്ച നടത്തിയത്.

വിധിയറിയാന്‍ ആകാംക്ഷയോടെ, വയനാട്, പാലക്കാട്, ചേലക്കര: വോട്ടെണ്ണല്‍; ജയം ആര്‍ക്കൊപ്പം?

മഹാരാഷ്ട്ര നിയമസഭാ തെരഞ്ഞെടുപ്പിൽ ബിജെപി, ശിവസേനാ ഷിൻഡെ പക്ഷം, എൻസിപി അജിത് പവാർ പക്ഷം എന്നിവരടങ്ങിയ മഹായുതി സഖ്യം നേട്ടമുണ്ടാക്കുമെന്ന് ഭൂരിപക്ഷം എക്സിറ്റ് പോൾ ഫലങ്ങളും പ്രവചിച്ചിരുന്നു.