ന്യഡല്ഹി: ഡല്ഹി നിയമസഭയില് വന് സുരക്ഷാവീഴ്ച. അതിവേഗത്തിലെത്തിയ അജ്ഞാത കാര് പ്രധാന കവാടം തകര്ത്ത് അകത്തേക്ക് കയറി. നിയമസഭാ വളപ്പില് അതിക്രമിച്ചുകയറിയ വാഹനം അല്പസമയം സഭാവളപ്പില് കറങ്ങിയ ശേഷം സ്പീക്കറുടെ ഓഫീസിന് മുന്നില് പൂഞ്ചെണ്ട് വയ്ക്കുകയും അതില് മഷി ഒഴിയ്ക്കുകയും ചെയ്തതായാണ് റിപ്പോര്ട്ടുകള്. ഇന്ന് ഉച്ചയോടെ നിയമസഭയുടെ രണ്ടാം നമ്പര് ഗേറ്റിലായിരുന്നു സംഭവം.
മുഖം മൂടിധരിച്ചെത്തിയ ആളാണ് കാര് ഓടിച്ചതെന്ന് പൊലീസ് പറയുന്നു. സംഭവത്തിന് പിന്നാലെ കാര് ഡ്രൈവര്ക്കായി തിരച്ചില് ആരംഭിച്ചു. ഏതെങ്കിലും തരത്തിലുള്ള അട്ടിമറി ശ്രമമാണോ, അതോ മാനസിക വിഭ്രാന്തിയുള്ള ആളാണോ കാര് ഓടിച്ചതെന്നതുള്പ്പടെയുള്ള കാര്യങ്ങള് പൊലീസ് പരിശോധിക്കുന്നു.
സിസിടിവി ദൃശ്യങ്ങള് പരിശോധിച്ച് കാര് കണ്ടെത്താനും ഡ്രൈവറെ തിരിച്ചറിയാനുമുള്ള ശ്രമങ്ങളുമാണ് പുരോഗമിക്കുന്നതെന്ന് പൊലീസ് വൃത്തങ്ങള് അറിയിച്ചു. നിയമസഭയുടെ സുരക്ഷാ ക്രമീകരണങ്ങളിലെ പോരായ്മകള് തുറന്നുകാട്ടുന്നതാണ് ഈ സംഭവം. സുരക്ഷാ വീഴ്ചയിലും അന്വേഷണം ആരംഭിച്ചിട്ടുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
