ഹൽദി ചടങ്ങിൽ മഞ്ഞൾ തേച്ചത് കൂടി, ഭാര്യയെ ഭർത്താവ് സ്​ക്രൂഡ്രൈവർ കൊണ്ട് കുത്തിക്കൊന്നു 

പുനെ: ബന്ധുവിന്റെ ഹൽദി ചടങ്ങിനിടെ ദേഹത്ത്​ അമിതമായി മഞ്ഞൾ തേച്ചതിന്​ ഭർത്താവ്​ ഭാര്യയെ കൊന്നു. സംഭവത്തിൽ ജസ്​നാൻ പോപട്​ പവാറിനെയും (25) പിതാവ്​ യോഗേഷ്​ നാരാൺ പവാറിനെയും അറസ്റ്റ്​ ചെയ്​തു. 20കാരിയായ സീമ പവാറാണ്​ കൊല്ലപ്പെട്ടത്​. ഇന്ദപൂറിലെ ഭട്​നിമാഗനിൽ ആണ് സംഭവം. 

ഹൽദി ചടങ്ങിൽവച്ച് മഞ്ഞൾ അമിതമായി പുരട്ടിയതിന് സീമയും ജസ്​നാനും തമ്മിൽ വളക്കായി. ഉറങ്ങാൻ കിടന്ന ശേഷം സമീപത്തുണ്ടായിരുന്ന സ്ക്രൂഡ്രൈവർ എടുത്ത്​ കുത്തിയാണ് കൊല നടത്തിയത്. 

ഒമ്പത്​ മാസം മുമ്പായിരുന്നു ഇരുവരുടെയും വിവാഹം. ജസ്​നാൻ പവാറിന്റെ രണ്ടാമത്തെ ഭാര്യയാണ് സീമ. സീമയുടേത് മൂന്നാം വിവാഹമായിരുന്നെന്ന് പൊലീസ് പറഞ്ഞു.