ബസിലും രക്ഷയില്ല!; 20കാരിയുടെ സീറ്റില്‍ യുവാവ് മൂത്രം ഒഴിച്ചു
ബംഗളൂരു: വിമാനത്തില്‍ സ്ത്രീയുടെ സീറ്റില്‍ മൂത്രം ഒഴിച്ച സംഭവത്തിന്റെ ഞെട്ടല്‍ വിട്ടുമാറും മുന്‍പ്, കര്‍ണാടകയില്‍ നിന്ന് സമാനമായ മറ്റൊരു സംഭവം. ഇവിടെ വിമാനത്തിന് പകരം ബസിലാണ് സഹയാത്രികയുടെ സീറ്റില്‍ യാത്രക്കാരന്‍ മൂത്രം ഒഴിച്ചത്. മദ്യലഹരിയില്‍ 32കാരനാണ് സീറ്റില്‍ മൂത്രമൊഴിച്ചത്.
ഹുബ്ലിയില്‍ ചൊവ്വാഴ്ച രാത്രിയാണ് സംഭവം. വിജയപുരയില്‍ നിന്ന് മംഗളൂരുവിലേക്ക് സര്‍വീസ് നടത്തിയ കര്‍ണാടക സ്റ്റേറ്റ് റോഡ് ട്രാന്‍സ്‌പോര്‍ട്ട് കോര്‍പ്പറേഷന്‍ ബസിലാണ് യുവാവ് സഹയാത്രികയുടെ സീറ്റില്‍ മൂത്രം ഒഴിച്ചത്. നോണ്‍- എസി സ്ലീപ്പര്‍ ബസിലായിരുന്നു യാത്ര.
32കാരന്‍ സഹയാത്രികയായ 20കാരിയുടെ സീറ്റിലാണ് മൂത്രം ഒഴിച്ചത്. ഭക്ഷണം കഴിക്കാനായി ഹുബ്ലിക്ക് സമീപമുള്ള ധാബയില്‍ വാഹനം നിര്‍ത്തിയപ്പോഴാണ് സംഭവം നടന്നത്. യുവതി ഒച്ചവെച്ചപ്പോഴാണ് ബസിലെ മറ്റു യാത്രക്കാര്‍ കാര്യം അറിഞ്ഞത്. മദ്യലഹരിയിലായിരുന്നു യുവാവ്. സഹയാത്രികയുടെ സീറ്റില്‍ മൂത്രം ഒഴിച്ചത് ചോദ്യം ചെയ്തപ്പോള്‍ യുവാവ് യാത്രക്കാരോട് മോശമായി പെരുമാറിയതായാണ് റിപ്പോര്‍ട്ടുകള്‍.
മദ്യപിച്ച് ലക്കുകെട്ട യുവാവിന്റെ ശല്യം സഹിക്കാന്‍ കഴിയാതെ വന്നതോടെ, യുവാവിനെ ബസില്‍ നിന്ന് പുറത്താക്കി. മെക്കാനിക്കല്‍ എന്‍ജിനീയറാണ് യുവാവ്. എന്നാല്‍ യുവാവിനെതിരെ പരാതി നല്‍കാന്‍ 20കാരി തയ്യാറായില്ലെന്ന് കെഎസ്ആര്‍ടിസി അധികൃതര്‍ അറിയിച്ചു.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
