ഗുവാഹത്തി: എന്‍ജിനീയറിങ് പ്രവേശന പരീക്ഷയായ ജെഇഇ-മെയ്ന്‍സില്‍ ആള്‍മാറാട്ടം നടത്തിയ കേസില്‍ ഒരാള്‍ കൂടി അറസ്റ്റില്‍. അസമില്‍ ജെഇഇ-മെയ്ന്‍സില്‍ ഒന്നാമത്തെത്തിയ വിദ്യാര്‍ഥിക്ക് വേണ്ടി ആള്‍മാറാട്ടം നടത്തി പരീക്ഷ എഴുതിയ കേസില്‍ ഇതോടെ അറസ്റ്റിലാകുന്നവരുടെ എ്ണ്ണം എട്ടായി.
ഗുവാഹത്തിയില്‍ നിന്നെത്തിയ പൊലീസ് സംഘം ഡല്‍ഹിയില്‍ നിന്നാണ് പ്രതിയെ പിടികൂടിയത്. നഗരം കേന്ദ്രീകരിച്ച് പ്രവര്‍ത്തിക്കുന്ന കോച്ചിങ് സ്ഥാപനമായ ഗ്ലോബല്‍ എഡ്യു ലൈറ്റിന്റെ ഉടമ ഭാര്‍ഗവ് ദേകയാണ് മുഖ്യപ്രതി. നവംബര്‍ ഒന്നിനാണ് കേസില്‍ ഇയാള്‍ അറസ്റ്റിലായത്. അസമില്‍ പരീക്ഷയില്‍ ഒന്നാമത്തെത്തിയ നീല്‍ നക്ഷത്ര ദാസ് ഉള്‍പ്പെടെയുള്ളവരാണ് മറ്റുപ്രതികള്‍.നീല്‍ നക്ഷത്ര ദാസിന്റെ അച്ഛനായ ഡോക്ടറും കേസില്‍ പ്രതിയാണ്.
ഫോണ്‍ സംഭാഷണമാണ് തട്ടിപ്പ് പുറത്തുകൊണ്ടുവന്നത്. കൂട്ടുകാരോട് നീല്‍ നക്ഷത്ര ദാസ് ആള്‍മാറാട്ടം നടത്തിയ കാര്യം പറഞ്ഞതാണ് കേസിന് ആധാരം. തുടര്‍ന്ന് പൊലീസിന് ലഭിച്ച പരാതിയിലാണ് അന്വേഷണം ആരംഭിച്ചത്. പ്രത്യേക അന്വേഷണ സംഘമാണ് കേസില്‍ അന്വേഷണം നടത്തുന്നത്. പരീക്ഷയില്‍ ഉന്നത വിജയം നേടുന്നതിന് കുട്ടിയുടെ ഡോക്ടര്‍മാരായ മാതാപിതാക്കള്‍ 20 ലക്ഷത്തോളം രൂപയാണ് കോച്ചിങ് ഇന്‍സിറ്റിയൂട്ടിന് കൈമാറിയത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
