ബെംഗളൂരു: ഹിജാബ് വിലക്കുമായി ബന്ധപ്പെട്ട് സംഘർഷം തുടരുന്ന ദയാനന്ദ പൈ– സതീഷ് പൈ ഗവ. ഫസ്റ്റ് ഗ്രേഡ് കോളജ് അനിശ്ചിതകാലത്തേക്ക് അടച്ചു. മംഗളൂരു കാർ സ്ട്രീറ്റിലെ കോളജിൽ വ്യാഴാഴ്ച മുതൽ സംഘർഷം തുടരുന്ന സാഹചര്യത്തിലാണ് പരീക്ഷകളടക്കം മാറ്റിവച്ച് കോളജ് അടച്ചത്. ഓൺലൈൻ ക്ലാസ് തുടരും.
ഹിജാബ് ധരിച്ച് പരീക്ഷയെഴുതാനെത്തിയ 5 വിദ്യാർഥിനികളെ ആൺകുട്ടികൾ ക്യാംപസിൽ പ്രവേശിക്കാൻ അനുവദിച്ചില്ലെന്നു ചൂണ്ടിക്കാട്ടി വിദ്യാർഥിനി പൊലീസിൽ പരാതി നൽകിയിരുന്നു. പ്രിൻസിപ്പൽ അനുവദിച്ചിട്ടും ചില അധ്യാപകരും എതിർത്തെന്ന് പരാതിയിൽ ആരോപിക്കുന്നു. സംഭവം വിവാദമായതിനെ തുടർന്ന് പ്രിൻസിപ്പൽ വാക്കുമാറ്റിയെന്നും ഇവർ പറയുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
