400 വർഷം പഴക്കമുള്ള രാമവി​ഗ്രഹത്തിന്റെ തല തകർത്ത് കുളത്തിലെറിഞ്ഞു, സംഘർഷം 

ഹൈദരാബാദ്: വിശാഖപട്ടണത്തെ രാമതീർത്ഥം ക്ഷേത്രത്തിലെ 400 വർഷം പഴക്കമുള്ള രാമ വിഗ്രഹം നശിപ്പിച്ചു. ചൊവ്വാഴ്ച അജ്ഞാതരായ ചില ആളുകളാണ് വി​ഗ്രഹം തകർത്തത്. ആക്രമികൾ വി​ഗ്രഹത്തിന്റെ തല തകർത്ത് ക്ഷേത്രത്തിനടുത്തുള്ള ഒരു കുളത്തിലേക്ക് വലിച്ചെറിയുകയായിരുന്നു. ഇത് പ്രദേശത്ത് സംഘർഷത്തിനും കാരണമായി. ‍

ഹിന്ദു ക്ഷേത്രങ്ങൾക്ക് യാതൊരു സംരക്ഷണവുമില്ലെന്നും പ്രതികളെ ഉടൻ അറസ്റ്റ് ചെയ്യണമെന്നും ആണ് ആവശ്യം. സംഭവത്തിൽ പൊലീസ് അന്വേഷണം ആരംഭിച്ചിട്ടുണ്ട്. അഞ്ച് സംഘങ്ങളായി തിരിഞ്ഞാണ് അന്വേഷണം. അതേസമയം ഈ വിഷയത്തിൽ സിബിഐ അന്വേഷണം വേണമെന്നാണ് പ്രതിപക്ഷത്തിന്റെ ആവശ്യം. 

സംഭവം നേരിട്ടു വിലയിരുത്താൻ ആന്ധ്ര മുൻ മുഖ്യമന്ത്രി ചന്ദ്രബാബു നായിഡു ക്ഷേത്ര സന്ദർശിക്കാനെത്തി. മുൻ വിജിനഗരം എം‌എൽഎ‌ പി അശോക് ഗജപതി രാജും അദ്ദേഹത്തോടൊപ്പമുണ്ട്.