ഓടുന്ന ട്രെയിനിന്റെ മുന്നിലേക്ക് മകനൊപ്പം അച്ഛന്‍ ചാടി, ഒടുവില്‍- വീഡിയോ 

മുംബൈ: മഹാരാഷ്ട്രയില്‍ ഓടുന്ന ട്രെയിനിന് മുന്നിലേക്ക് മകനൊപ്പം അച്ഛന്‍ ചാടി. അച്ഛന്‍ മരിച്ചു. ആറു വയസ്സുള്ള മകന്‍ കാര്യമായ പരിക്കുകളില്ലാതെ രക്ഷപ്പെട്ടു എന്നാണ് റിപ്പോര്‍ട്ടുകള്‍.

മുംബൈ കല്യാണിന് സമീപം വിത്തല്‍വാഡി സ്‌റ്റേഷനിലാണ് സംഭവം. പ്ലാറ്റ്‌ഫോമിലേക്ക് വരുന്ന ട്രെയിനിന് മുന്നിലേക്കാണ് മകനൊപ്പം അച്ഛന്‍ ചാടിയത്. ട്രെയിന്‍ പ്ലാറ്റ്‌ഫോമിലേക്ക് വരുമ്പോള്‍ അച്ഛനില്‍ നിന്ന് കുതറിയോടി രക്ഷപ്പെടാന്‍ മകന്‍ ശ്രമിക്കുന്നത് സിസിടിവി ദൃശ്യങ്ങളില്‍ വ്യക്തമാണ്.

മകനെ തന്റെ അരികിലേക്ക് വലിച്ചുഅടുപ്പിച്ച ശേഷമാണ് അച്ഛന്‍ ട്രെയിനിന് മുന്നിലേക്ക് ചാടിയത്. അച്ഛന്‍ മരിച്ചതായും മകന്‍ കാര്യമായ പരിക്കേല്‍ക്കാതെ രക്ഷപ്പെട്ടതുമായാണ് റിപ്പോര്‍ട്ട്. ട്രാക്കിലേക്ക് എടുത്തുചാടിയ സമയത്ത് അച്ഛന്റെ കൈ വിട്ട് മകന്‍ ട്രാക്കിന്റെ അരികിലേക്ക് വീണതാകാം രക്ഷപ്പെടാന്‍ ഇടയാക്കിയതെന്നാണ് റിപ്പോര്‍ട്ട് വ്യക്തമാക്കുന്നത്.