ന്യൂഡല്‍ഹി: രാജ്യതലസ്ഥാനത്ത് വിദേശിയെ തട്ടിക്കൊണ്ടുപോയി കൂട്ടബലാത്സംഗം ചെയ്തു. ഓട്ടോ ഡ്രൈവര്‍ തട്ടിക്കൊണ്ടുപോയി ഒറ്റപ്പെട്ട സ്ഥലത്ത് എത്തിച്ച് മ്യാന്‍മര്‍ സ്വദേശിനിയെ നാലുപേര്‍ ചേര്‍ന്ന് ബലാത്സംഗം ചെയ്യുകയായിരുന്നു എന്ന് പൊലീസ് പറയുന്നു. സംഭവത്തില്‍ കേസെടുത്ത് പൊലീസ് അന്വേഷണം ആരംഭിച്ചു.
കാളിന്ദി കുഞ്ച് മേഖലയിലാണ് സംഭവം. ഭര്‍ത്താവിനൊപ്പമാണ് മ്യാന്‍മര്‍ സ്വദേശിനി ഡല്‍ഹിയില്‍ എത്തിയത്. മകളുടെ ചികിത്സയുടെ ഭാഗമായാണ് ദമ്പതികള്‍ ഡല്‍ഹിയിലെത്തിയത്. തെക്കുകിഴക്കന്‍ ഡല്‍ഹിയില്‍ വച്ചാണ് യുവതിയെ ഓട്ടോ ഡ്രൈവര്‍ തട്ടിക്കൊണ്ടുപോയതെന്ന് പരാതിയില്‍ പറയുന്നു.
തുടര്‍ന്ന് യുവതിയെ ഒറ്റപ്പെട്ട സ്ഥലത്ത് എത്തിച്ചു. അബോധാവസ്ഥയിലായിരുന്ന യുവതിയെ നാലുപേര്‍ ചേര്‍ന്ന് പീഡിപ്പിച്ചതായാണ് പരാതിയില്‍ പറയുന്നത് എന്ന് പൊലീസ് പറയുന്നു. വിവിധ വകുപ്പുകള്‍ അനുസരിച്ച് കേസെടുത്ത് അന്വേഷണം ആരംഭിച്ചതായി പൊലീസ് അറിയിച്ചു.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
