ബംഗളൂരു: പ്രഷർ കുക്കർ ഉപയോഗിച്ച് വീട്ടിൽ എംഡിഎംഎ ഉണ്ടാക്കിയ നൈജീരിയൻ പൗരൻ ബംഗളൂരുവിൽ അറസ്റ്റിൽ. റിച്ചാർഡ് സിറിൽ എന്നയാളാണ് പിടിയിലായത്. ബംഗളൂരു പൊലീസും സെൻട്രൽ ക്രൈം ബ്രാഞ്ചും ചേർന്നാണ് ഇയാളെ അറസ്റ്റ് ചെയ്തത്.
രഹസ്യവിവരത്തെത്തുടർന്ന് തിങ്കളാഴ്ച താരബനഹള്ളി ഗ്രാമത്തിൽ റിച്ചാർഡ് താമസിച്ചിരുന്ന വീട് റെയിഡ് ചെയ്ത് 50 ലക്ഷം രൂപയുടെ അസംസ്കൃത വസ്തുക്കൾ പൊലീസ് പിടികൂടി. സിറിലിന്റെ മൂത്ത സഹോദരനാണ് കേസിലെ പ്രധാന പ്രതിയെന്നും ഇയാളെ പിടികൂടാനായിട്ടില്ലെന്നും പൊലീസ് പറഞ്ഞു. ഇവർ ഇന്റർനെറ്റിൽ നിന്നാണ് പ്രഷർ കുക്കർ ഉപയോഗിച്ച് ലഹരി ഉത്പാദിപ്പിക്കാൻ പഠിച്ചത്.
2019ൽ ബിസിനസ്സ് വിസയിലാണ് സിറിലും സഹോദരനും ഇന്ത്യയിലെത്തിയത്. രണ്ട് മാസം മുമ്പാണ് ഇവർ താരബനഹള്ളിയിലേക്ക് താമസം മാറ്റിയത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
