ഭോപ്പാൽ: 17കാരനെ നിർബന്ധിച്ച് ഷൂ നക്കിപ്പിക്കുകയും സിഗരറ്റ് വലിപ്പിക്കുകയും ചെയ്ത വിഡിയോ വൈറലായതിന് പിന്നാലെ ഒരാൾ അറസ്റ്റിൽ. കുട്ടിയെ മർദ്ദിച്ചാണ് ഇവർ വിഡിയോ ചിത്രീകരിച്ചത്. മധ്യപ്രദേശിലെ ജബൽപ്പൂരിലാണ് സംഭവം.
20കാരനായ ദീപക് പാസി എന്ന യുവാവാണ് അറസ്റ്റിലായത്. ഇയാൾക്കൊപ്പമുണ്ടായിരുന്ന മൂന്ന് പേർക്കായി തിരച്ചിൽ നടക്കുകയാണ്. നാല് പേർക്കുമെതിരെ തട്ടികൊണ്ടുപോകൽ കൈയേറ്റം എന്നീ കുറ്റങ്ങളാണ് ചുമത്തിയിരിക്കുന്നതെന്ന് പൊലീസ് പറഞ്ഞു.
രണ്ടായിരം രൂപയുടെ പേരിലുണ്ടായ തർക്കമാണ് ഇത്തരത്തിൽ കലാശിച്ചത്. ബുധനാഴ്ച ഈ സംഭവം നടന്നതിന് പിന്നാലെ യുവാവ് വീട്ടിലേക്ക് മടങ്ങിയെത്തിയില്ല. കുട്ടിയെ കാണാനില്ലെന്ന മാതാപിതാക്കളുടെ പരാതിയിലാണ് അന്വേഷണം നടത്തിയത്. നാല് പേരും ചേർന്ന് കുട്ടിയെ വിജനമായ ഒരു പ്രദേശത്തേക്ക് കൂട്ടികൊണ്ടുപോയെന്നും അവിടെവച്ച് പല തവണ മർദ്ദിച്ചെന്നും പൊലീസ് പറഞ്ഞു. സംഘത്തിലെ ഒരാൾ കുട്ടിയെ സിഗരറ്റ് വലിക്കാൻ നിർബന്ധിക്കുകയും മറ്റൊരാൾ ഷൂ നക്കാൻ ആവശ്യപ്പെടുകയുമായിരുന്നു.
-
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
