മൃഗക്കടത്തുകാരില്‍ നിന്ന് ഈനാംപേച്ചിയെ രക്ഷപെടുത്തി; ഇനി കാട് കൂട്ട് 

കട്ടക്ക്: കടത്തികൊണ്ടുപോകാന്‍ ശ്രമിച്ച ഈനാംപേച്ചിയെ രക്ഷിച്ച് കാട്ടിലേക്കയച്ചു. ഒഡീഷയിലെ അതഘട്ട് ഫോറസ്റ്റ് ഡിവിഷന്‍ സംഘമാണ് ഈനാംപേച്ചിയെ രക്ഷപെടുത്തിയത്. 

കഴിഞ്ഞ ആഴ്ച മുതല്‍ പ്രത്യേക പരിചരണം നല്‍കി ഈനാംപേച്ചിയെ നിരീക്ഷണത്തില്‍ വച്ചിരിക്കുകയായിരുന്നു. രക്ഷപെടുത്തിയപ്പോള്‍ ഈനാംപേച്ചിയുടെ ആരോഗ്യം മോശപ്പെട്ട അവസ്ഥയിലായിരുന്നു. എല്ലാ ദിവസവും ആരോഗ്യനില പരിശോധിച്ചശേഷം ഇന്നലെയാണ് കാട്ടിലേക്കയച്ചത്. 

കഴിഞ്ഞ ഒരു വര്‍ഷം മാത്രം 13ഓളം പേരാണ് ഈനാംപേച്ചിയെ കടത്തികൊണ്ടുപോകാന്‍ ശ്രമിക്കുന്നതിനിടെ അറസ്റ്റിലായതെന്ന് അതഘട്ട് ഫോറസ്റ്റ് ഓഫീസര്‍ സസ്മിത ലങ്ക പറഞ്ഞു.