കൊല്ക്കത്ത: ഇന്ത്യയെ സംരക്ഷിക്കാന് ശക്തമായ ഒരു സര്ക്കാര് ആവശ്യമാണെന്നും പ്രധാനമന്ത്രി വേണമെങ്കില് വേറെ പണി നോക്കണമെന്നും മഹുവ മൊയ്ത്ര. എക്സിലാണ് മഹുവയുടെ കുറിപ്പ്. ഇന്ത്യയ്ക്ക് ശക്തമായ ഒരു സര്ക്കാരിനെ ആവശ്യമാണെന്നും മഹുവ പറഞ്ഞു. തനിക്ക് തിരികെ പോയി വേണമെങ്കില് ചായക്കട നടത്താമെന്നുമുള്ള പ്രധാനമന്ത്രി നരേന്ദ്രമോദിയുടെ പഴയ ട്വീറ്റ് പങ്കുവെച്ചായിരുന്നു മഹുവയുടെ വിമര്ശനം.
ന്യൂഡല്ഹിയില് ചെങ്കോട്ടയ്ക്ക് സമീപം നടന്ന സ്ഫോടനം നടന്ന സാഹചര്യത്തിലും പ്രധാനമന്ത്രി ഭൂട്ടാന് സന്ദര്ശിച്ചതിനെതിരെയാണ് തൃണമൂല് കോണ്ഗ്രസ് എം പി പോസ്റ്റ് പങ്കുവെച്ചത്.
ആഭ്യന്തര മന്ത്രി അമിത് ഷായേയും മഹുവ വിമര്ശിച്ചു. ഇന്ത്യയ്ക്ക് വേണ്ടത് കഴിവുള്ള ആഭ്യന്തര മന്ത്രിയെയാണെന്നും മുഴുവന് സമയവും വിദ്വേഷ പ്രചാരണം നടത്തുന്ന മന്ത്രിയെയല്ലെന്നും മഹുവ പറഞ്ഞു. പ്രധാനമന്ത്രിയുടെ ഭൂട്ടാന് സന്ദര്ശനത്തെ തൃണമൂലും വിമര്ശിച്ചു. സ്വന്തം വീട്ടില് ആളുകള് മരിച്ചു വീഴുമ്പോള് വിദേശ മണ്ണില് ക്യാമറകള്ക്ക് മുന്നില് പോസ് ചെയ്യുന്ന തിരക്കിലാണ് രാജ്യത്തെ പ്രധാന സേവകന്. ഓരോ സ്ഫോടനവും ഓരോ സുരക്ഷാ വീഴ്ചയും നഷ്ടപ്പെടുന്ന നിരപരാധികളുടെ ജീവനും ദേശീയ സുരക്ഷയുടെ പൂര്ണമായ തകര്ച്ചയെ തുറന്നു കാട്ടുന്നുവെന്നും തൃണമൂല് വിമര്ശിച്ചു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
