ന്യൂഡല്ഹി: രാഷ്ട്രപതി ദ്രൗപദി മുര്മു രണ്ടു ദിവസത്തെ സന്ദര്ശനത്തിനായി നാളെ മണിപ്പൂരിലെത്തും. രാഷ്ട്രപതിയായി സ്ഥാനമേറ്റ ശേഷമുള്ള ദ്രൗപതി മുര്മുവിന്റെ ആദ്യ മണിപ്പൂര് സന്ദര്ശനമാണിത്. ഗാര്ഡ് ഓഫ് ഓണര് നല്കി രാഷ്ട്രപതിയെ സ്വീകരിക്കും. രാഷ്ട്രപതിയുടെ സന്ദര്ശനം കണക്കിലെടുത്ത് ഇംഫാലില് കനത്ത സുരക്ഷ ഏര്പ്പെടുത്തിയിട്ടുണ്ട്.
സന്ദര്ശനത്തിന്റെ ഭാഗമായി ഇംഫാല് വിമാനത്താവള റോഡില് സൗന്ദര്യവത്കരണ പ്രവൃത്തികള് നടത്തി. കൂടാതെ രാഷ്ട്രപതിയെ നഗരത്തിലുടനീളം സര്ക്കാരിന്റെ നേതൃത്വത്തില് ബാനറുകളും ഹോര്ഡിങ്ങുകളും വെച്ചിട്ടുണ്ട്. കലാപത്തെ തുടര്ന്ന് ഫെബ്രുവരി 13 മുതല് മണിപ്പൂര് രാഷ്ട്രപതി ഭരണത്തിലാണ്.
ഇംഫാലില് എത്തുമ്പോള് രാഷ്ട്രപതിയെ ഗാര്ഡ് ഓഫ് ഓണര് നല്കി സ്വീകരിക്കും. തുടര്ന്ന്, പോളോ പ്രദര്ശന മത്സരം കാണാന് രാഷ്ട്രപതി ചരിത്രപ്രസിദ്ധമായ മാപാല് കാങ്ജീബുങ്ങ് സന്ദര്ശിക്കും. വൈകുന്നേരം ഇംഫാലിലെ സിറ്റി കണ്വെന്ഷന് സെന്ററില് മണിമണിപ്പൂര് സര്ക്കാര് സംഘടിപ്പിക്കുന്ന സ്വീകരണ പരിപാടിയില് രാഷ്ട്രപതി പങ്കെടുക്കും. വിവിധ വികസന പദ്ധതികള്ക്ക് തറക്കല്ലിടും. ചില പദ്ധതികള് ഉദ്ഘാടനം ചെയ്യും. ഡിസംബര് 12ന് രാഷ്ട്രപതി ഇംഫാലിലെ നുപി ലാല് സ്മാരക സമുച്ചയം സന്ദര്ശിക്കും. മണിപ്പൂരിലെ ധീര വനിതാ യോദ്ധാക്കള്ക്ക് ആദരാഞ്ജലി അര്പ്പിക്കും.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
