'ഗ്യാനേഷ് കുമാര്‍ രാജിവെക്കണം', 'മാസപ്പടി ഡയറിയില്‍ മുഖ്യമന്ത്രിയുടെ പേര്', റിലേ ടീമിന് വെള്ളി...; ഇന്നത്തെ 5 പ്രധാന വാര്‍ത്തകള്‍

മുഖ്യ തെരഞ്ഞെടുപ്പ് കമ്മീഷണര്‍ വിവിധ വിഷയങ്ങളില്‍ ഒറ്റയ്ക്ക് തീരുമാനമെടുക്കുന്നുവെന്ന റിപ്പോര്‍ട്ടുമായി ബന്ധപ്പെട്ട് വിവാദം ശക്തമാകുന്നു. ഗ്യാനേഷ് കുമാര്‍ രാജിവെക്കണമെന്ന ആവശ്യവുമായി സിജെപിയും ലോക്‌സഭ പ്രതിപക്ഷ നേതാവ് രാഹുല്‍ ഗാന്ധിയും ഉള്‍പ്പെടെ രംഗത്തെത്തി. മാസപ്പടി ഡയറിയില്‍ മുഖ്യമന്ത്രി വിഡി സതീശന്റെയും പേര് ഉണ്ടെന്ന് ബിജെപി നേതാവ് ഷേണ്‍ ജോര്‍ജിന്റെ വെളിപ്പെടുത്തല്‍. ഏഷ്യന്‍ ഗെയിംസില്‍ മലയാളികള്‍ ഉള്‍പ്പെട്ട ഇന്ത്യയുടെ റിലേ ടീമിന് വെള്ളി.. ഇന്നത്തെ അഞ്ച് പ്രധാന വാര്‍ത്തകള്‍ ചുവടെ.

എസ്‌ഐആര്‍ അടക്കമുള്ള വിഷയങ്ങളില്‍ തെരഞ്ഞെടുപ്പ് കമ്മീഷണര്‍മാരുടെ എതിര്‍പ്പുകള്‍ തള്ളിക്കളയുന്നുവെന്ന റിപ്പോര്‍ട്ടുകള്‍ക്കിടെ, ബിജെപിക്കും മുഖ്യ തെരഞ്ഞെടുപ്പ് കമ്മീഷണര്‍ ഗ്യാനേഷ് കുമാറിനുമെതിരെ രൂക്ഷ വിമര്‍ശനവുമായി ലോക്സഭാ പ്രതിപക്ഷ നേതാവ് രാഹുല്‍ ഗാന്ധി രംഗത്ത്. 'വോട്ട് ചോരി' (വോട്ട് മോഷണം) നടക്കുന്നത് 'കാനൂന്‍ ചോരിക്ക്' (നിയമങ്ങളുടെ മോഷണം) വഴിയൊരുക്കുന്നുവെന്ന് രാഹുല്‍ ഗാന്ധി പറഞ്ഞു. ഖ്യ തെരഞ്ഞെടുപ്പ് കമ്മീഷണര്‍ ഗ്യാനേഷ് കുമാര്‍ ദേശദ്രോഹിയാണെന്നും രാജിവെക്കണമെന്നും കോണ്‍ഗ്രസ് എംപി ആവശ്യപ്പെട്ടു.

ഗ്യാനേഷ് കുമാറിന്റെ രാജി  48 മണിക്കൂറിനുള്ളില്‍ ആവശ്യപ്പെട്ട് സിജെപിയും രംഗത്തെത്തി. ഗ്യാനേഷ് കുമാര്‍ ഇതിന് തയ്യാറായില്ലെങ്കില്‍ രാജ്യവ്യാപക പ്രക്ഷോഭം ആരംഭിക്കുമെന്ന് പാര്‍ട്ടി മുന്നറിയിപ്പ് നല്‍കി.

മുഖ്യമന്ത്രി വി ഡി സതീശന്‍ അടക്കമുള്ളവരെ പ്രതിരോധത്തിലാക്കി സിഎംആര്‍എല്‍ മാസപ്പടി ഡയറിയുടെ പേജ് എന്ന് അവകാശപ്പെട്ട് രേഖ പുറത്തുവിട്ട് ബിജെപി നേതാവ് ഷോണ്‍ ജോര്‍ജ്. മാസപ്പടി കേസുമായി ബന്ധപ്പെട്ട് വിവാദ കമ്പനിയുടെ എംഡിയില്‍ നിന്ന് പിടിച്ചെടുത്ത ഡയറിയുടെ പേജ് എന്ന പേരില്‍ ഫെയ്‌സ്ബുക്കിലാണ് ഷോണ്‍ ജോര്‍ജ് രേഖ പങ്കുവെച്ചത്. 

മുഖ്യമന്ത്രി വിഡി സതീശന്‍ തിരുവനന്തപുരത്തു നിന്ന് മലപ്പുറത്തേക്ക് നടത്തിയ സ്വകാര്യ ചാര്‍ട്ടേഡ് വിമാനയാത്രയുടെ തുക സ്‌പോണ്‍സര്‍ ചെയ്തത് ഡല്‍ഹി ആസ്ഥാനമായുള്ള ചിപ്‌സണ്‍ ഏവിയേഷനാണെന്ന് രേഖകള്‍. ജിഎസ്ടി ഉള്‍പ്പെടെ 19.88 ലക്ഷം രൂപയാണ് ( 19,88,595 രൂപ ) യാത്രയ്ക്കായി കമ്പനി നല്‍കിയതെന്നാണ് ഇന്‍വോയ്‌സ് രേഖകള്‍ വ്യക്തമാക്കുന്നത്.

ഏഷ്യന്‍ ഗെയിംസ് അത്‌ലറ്റിക്‌സ് 4x400 മീറ്റര്‍ മിക്‌സഡ് റിലേയില്‍ ഇന്ത്യക്ക് വെള്ളി. മലയാളി താരം ടിഎസ് മനു, എംആര്‍ പൂവമ്മ, വിശാല്‍ തേനരശ്, വിദ്യ രാംരാജ് എന്നിവരുള്‍പ്പെട്ട സംഘമാണ് വെള്ളി ഓടിപ്പിടിച്ചത്. 2023ലെ ഹാങ്ഷു ഗെയിംസിലും ഈ ഇനത്തില്‍ ഇന്ത്യക്ക് വെള്ളി നേട്ടുമുണ്ട്.

വില്‍പ്പന സമ്മര്‍ദ്ദത്തെ തുടര്‍ന്ന് വ്യാഴാഴ്ച ഇന്ത്യന്‍ ഓഹരി വിപണിയില്‍ കനത്ത ഇടിവാണ് രേഖപ്പെടുത്തിയത്. മൂന്ന് മാസത്തിനിടെ ഏറ്റവും താഴ്ന്ന നിലവാരത്തിലാണ് വിപണി എത്തിയിരിക്കുന്നത്. ബോംബെ സ്റ്റോക്ക് എക്‌സ്‌ചേഞ്ച് സൂചികയായ സെന്‍സെക്‌സ് 1,100 പോയിന്റിലധികം ഇടിഞ്ഞപ്പോള്‍, നിഫ്റ്റി 23,100ന് താഴേക്ക് കൂപ്പുകുത്തി.