രാകേഷ് തികായത്തിന്റെ മഹാപഞ്ചായത്തിനിടെ വേദി തകര്‍ന്നുവീണു (വീഡിയോ)
ഭാരതീയ കിസാന്‍ യൂണിയന്‍ നേതാവ് രാകേഷ് തികായത് പങ്കെടുത്ത മഹാ പഞ്ചായത്തിന്റെ വേദി തകര്‍ന്നുവീണു. ഹരിയാനയിലെ സിന്ധ് ജില്ലയിലെ ഖണ്ഡേലയിലാണ് കര്‍ഷക പ്രക്ഷോഭത്തിന് ഐക്യദാര്‍ഢ്യം പ്രഖ്യാപിച്ച് ഖാപ് പഞ്ചായത്ത് വിളിച്ചുചേര്‍ത്തത്.
മറ്റു നേതാക്കള്‍ക്കൊപ്പം രാകേഷ് തികായത് വേദിയില്‍ നില്‍ക്കവെയാണ് വേദി തകര്‍ന്നുവീണത്. അമ്പതിനായിരത്തോളം പേര്‍ പഞ്ചായത്തില്‍ പങ്കെടുക്കാനെത്തിയെന്ന് സംഘാടകര്‍ പറയുന്നു.
എല്ലാവരും കര്‍ഷക സമരത്തിന് ഐക്യദാര്‍ഢ്യം പ്രഖ്യാപിക്കണമെന്ന് രാകേഷ് തികായത് മഹാ പഞ്ചായത്തില്‍ ആവശ്യപ്പെട്ടു. നിയമങ്ങള്‍ പിന്‍വലിക്കാതെ പ്രക്ഷോഭം അവസാനിപ്പിക്കില്ലെന്ന നിലപാടും അദ്ദേഹം ആവര്‍ത്തിച്ചു. റിപ്പബ്ലിക് ദിനത്തില്‍ ഡല്‍ഹിയില്‍ ഒരുവിഭാഗം അഴിച്ചുവിട്ട സംഘര്‍ഷത്തില്‍ കര്‍ഷക നേതാക്കള്‍ക്ക് എതിരെ ചുമത്തിയ കേസുകള്‍ പിന്‍വലിക്കണമെന്നും അദ്ദേഹം ആവശ്യപ്പെട്ടു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
