ന്യൂഡല്‍ഹി: ബില്‍ക്കിസ് ബാനുകേസില്‍ ഇളവ് റദ്ദാക്കിയ വിധിക്കെതിരെയുള്ള സുപ്രീംകോടതി വിധി ചോദ്യം ചെയ്തുകൊണ്ട് രണ്ട് പ്രതികള്‍ നല്‍കിയ ഹര്‍ജി തള്ളി. സുപ്രീംകോടതിയുടെ ഒരു ബെഞ്ച് പുറപ്പെടുവിച്ച വിധി മറ്റൊരു ബെഞ്ച് പരിഗണിക്കുന്നതെങ്ങനെയെന്നും, എങ്ങനെ ഈ തരത്തില്‍ അപേക്ഷ നല്‍കാനാകുമെന്നും ചോദിച്ചുകൊണ്ടാണ് കോടതി ഹര്‍ജി തള്ളിയത്. ജസ്റ്റിസുമാരായ സഞ്ജയ് ഖന്നയും സഞ്ജയ് കുമാറും അടങ്ങുന്ന ബെഞ്ചാണ് ഹര്‍ജി തള്ളിയത്. ബില്‍ക്കിസ് ബാനു കൂട്ട ബലാത്സംഗ കേസില്‍ ജീവപര്യന്തം തടവിന് ശിക്ഷിക്കപ്പെട്ട 11 പ്രതികളെ ജയിലില്‍ നിന്ന് വിട്ടയച്ച ഗുജറാത്ത് സര്ക്കാരിന്റെ ഉത്തരവ് 2024 ജനുവരിയിലാണ് സുപ്രീംകോടതി റദ്ദാക്കിയത്.
പ്രതികളായ രാധേഷ് ഷാം ഭഗവാന്‍ദാസ് ഷാ, രാജുഭായ് ബാബുലാല്‍ സോണി എന്നിവരാണ് ശിക്ഷ ഇളവ് ചെയ്യണമെന്നാവശ്യപ്പെട്ട് സുപ്രീംകോടതിയെ സമീപിച്ചത്. രാധേഷ് ഷാം ഇടക്കാല ജാമ്യത്തിനും അപേക്ഷ നല്‍കിയിട്ടുണ്ട്. ഇതിനിടെയിലാണ് വീണ്ടും വിധിക്കെതിരെ ഇവര്‍ സുപ്രീംകോടതിയെ സമീപിച്ചത്.
പ്രതികള്‍ കോടതിയെ തെറ്റിദ്ധരിപ്പിച്ചെന്നും ശിക്ഷാ ഇളവ് നല്‍കുന്നതില്‍ തീരുമാനമെടുക്കാനുള്ള അധികാരം ഗുജറാത്ത് സര്‍ക്കാരിനല്ലെന്നും വ്യക്തമാക്കിയാണ് സുപ്രീംകോടതി ഗുജറാത്ത് സര്ക്കാരിന്റെ വധി റദ്ദാക്കിയത്.
വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍
2008ലാണ് കേസില്‍ 11 പ്രതികളും കുറ്റക്കാരാണെന്ന് കണ്ടെത്തി മഹാരാഷ്ട്ര കോടതി ജീവപര്യന്തം തടവിന് ശിക്ഷിച്ചത്. 15 വര്‍ഷത്തിലേറെയായി ജയിലില്‍ കഴിഞ്ഞെന്ന കാരണത്തിലാണ് പ്രതികളെ 2022 ആഗസ്തില്‍ ഗുജറാത്ത് സര്‍ക്കാര്‍ മോചിപ്പിച്ചത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
