ന്യൂഡല്‍ഹി: കോവിഡ് വ്യാപനത്തെതുടര്‍ന്ന് പൂട്ടിയ സംസ്ഥാനത്തെ സ്‌കൂളുകള്‍ ഇന്നുമുതല്‍ വീണ്ടും തുറക്കാന്‍ മധ്യപ്രദേശ് സര്‍ക്കാര്‍. 11, 12 ക്ലാസുകളിലെ കുട്ടികള്‍ക്ക് ഇന്നുമുതല്‍ സ്‌കൂളില്‍ എത്തിതുടങ്ങാം. 50 ശതമാനം ഹാജര്‍ നിലയാണ് അനുവദിച്ചിരിക്കുന്നത്.
9 , 10 ക്ലാസുകളിലെ കുട്ടികള്‍ക്ക് ഓഗസ്റ്റ് അഞ്ച് മുതല്‍ ആഴ്ചയിലൊരിക്കല്‍ സ്‌കൂളിലെത്തി പഠിക്കാം. 11, 12 ക്ലാസ് കുട്ടികള്‍ക്ക് ആഴ്ചയില്‍ രണ്ടുദിവസം സ്‌കൂളിലെത്താന്‍ അനുവാദമുണ്ട്. ഓണ്‍ലൈന്‍ ക്ലാസുകള്‍ തുടരണമെന്നും നിര്‍ദേശത്തില്‍ പറയുന്നു.
11-ാം ക്ലാസിലെ കുട്ടികള്‍ക്ക് ചൊവ്വ, വെള്ളി ദിവസങ്ങളിലാണ് ക്ലാസ് അനുവദിച്ചിരിക്കുന്നത്. 12-ാം ക്ലാസുകാര്‍ക്ക് തിങ്കള്‍, വ്യാഴം ദിവസങ്ങളില്‍ സ്‌കൂളിലെത്താം. 9-ാം ക്ലാസുകാര്‍ക്ക് ശനിയാഴ്ചകളിലും 10-ാം ക്ലാസുകാര്‍ക്ക് ബുധനാഴ്ചകളിലുമാണ് സ്‌കൂളിലെത്തി പഠിക്കാന്‍ അനുവാദം നല്‍കിയിരിക്കുന്നത്. അതേസമയം കുട്ടികള്‍ ഒത്തുകൂടുന്ന അസംബ്ലി, നീന്തല്‍ പരിശീലനം എന്നിവയ്ക്ക് നടത്താന്‍ പാടില്ലെന്ന് നിര്‍ദേശത്തില്‍ പറയുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
