പാമ്പ് എട്ടുകാലി വലയില്‍ കുടുങ്ങി... കേള്‍ക്കുമ്പോള്‍ അമ്പരപ്പ് തോന്നാം. വലയില്‍ കുടുങ്ങിയ പാമ്പിനെ എട്ടുകാലി 'ഭക്ഷണമാക്കി' എന്ന് കേട്ടാലോ, ഞെട്ടിയില്ലെങ്കിലേ അത്ഭുതമുള്ളൂ. എന്നാല്‍ കേട്ടതൊക്കേ സത്യമാണ് എന്ന് തെളിയിക്കുന്ന വീഡിയോയാണ് വ്യാപകമായി പ്രചരിക്കുന്നത്.
സുധാ രാമന്‍ ഐഎഫ്എസ് ട്വിറ്ററില്‍ പങ്കുവെച്ച വീഡിയോയാണ് വൈറലാകുന്നത്. എട്ടുകാലി വലയുടെ ശക്തി വിളിച്ചു പറയുന്നതാണ് ഈ വീഡിയോ എന്ന ആമുഖത്തോടെയാണ് സുധാ രാമന്‍ വീഡിയോ പങ്കുവെച്ചത്.
എട്ടുകാലി വലയില്‍ പാമ്പ് കുടുങ്ങി കിടക്കുന്നതാണ് വീഡിയോയുടെ തുടക്കത്തില്‍. വലയില്‍ നിന്ന് രക്ഷപ്പെടാന്‍ ജീവന്മരണ പോരാട്ടം നടത്തുകയാണ് പാമ്പ്. അതിനിടെ മുകളില്‍ നിന്ന് വലയിലൂടെ പാമ്പിന്റെ അരികിയില്‍ എത്തിയ എട്ടുകാലി പാമ്പിനെ കുത്തുന്നതാണ് വീഡിയോയുടെ അവസാന ഭാഗം.
സാധാരണയായി ചെറിയ കീടങ്ങളെയും പല്ലികളെയും ഇരയാക്കാനാണ് എട്ടുകാലി വല ഉണ്ടാക്കുന്നത്. എന്നാല്‍ വലയില്‍ പാമ്പ് കുടുങ്ങുന്നതും ഇതിനെ എട്ടുകാലി ആക്രമിക്കുന്നതും കാണുന്നത് ആദ്യമായാണ് എന്നാണ് പുറത്തുവരുന്ന കമന്റുകള്‍.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
