പാമ്പ് എന്ന കേട്ടാല് തന്നെ ഞെട്ടുന്നവരാണ് ഭൂരിഭാഗം ആളുകളും. നേരിട്ട് കണ്ടാല് പറയുകയും വേണ്ട!. പാമ്പ് എവിടെയാണ് ഒളിക്കുക എന്ന് പറയാന് സാധിക്കില്ല. ജനവാസകേന്ദ്രങ്ങളില് ഷൂവിലും കളിപ്പാട്ടങ്ങളിലും വാഹനങ്ങളിലും ഒളിച്ച പാമ്പിനെ പിടികൂടിയ നിരവധി സംഭവങ്ങള് പുറത്തുവന്നിട്ടുണ്ട്. ഇപ്പോള് ബിയര് ക്യാനില് തല കുടുങ്ങിയ മൂര്ഖന് പാമ്പിനെ രക്ഷിക്കുന്ന വീഡിയോയാണ് വൈറലാകുന്നത്.
ഒഡീഷയിലെ പുരി ജില്ലയിലാണ് സംഭവം. നാട്ടുകാരനാണ് ബിയര് ക്യാനില് തല കുടുങ്ങി അനങ്ങാന് പോലും കഴിയാതെ ബുദ്ധിമുട്ടുന്ന പാമ്പിനെ കണ്ടത്. നാട്ടുകാര് വിവരം അറിയിച്ചത് അനുസരിച്ച് എത്തിയ പാമ്പ് പിടിത്ത വിദഗ്ധരാണ് ഇതിനെ രക്ഷിച്ചത്.
ക്യാന് മുറിച്ചാണ് നാലടി നീളമുള്ള മൂര്ഖനെ പുറത്തെടുത്തത്. ബിയര് ക്യാനില് തല കുടുങ്ങിയത് മൂലം പാമ്പിന് നേരിയ പരിക്ക് പറ്റിയിട്ടുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
