ഇരയ്ക്ക് പിന്നാലെ കുതിച്ചു, കടിച്ചുപിടിച്ച് പര്‍വതത്തിന്റെ മുകളില്‍ നിന്ന് ഹിമപ്പുലി താഴെയ്ക്ക്; നിരവധി തവണ മലക്കംമറിഞ്ഞു-  അമ്പരപ്പിക്കുന്ന വീഡിയോ 

ലഡാക്കിന്റെ സംസ്ഥാന മൃഗമാണ് ഹിമപ്പുലി. ഇപ്പോള്‍ ഇരയ്‌ക്കൊപ്പം പര്‍വത മുകളില്‍ നിന്ന് താഴ്‌വാരത്തിലേക്ക് വീഴുന്ന ഹിമപ്പുലിയുടെ വീഡിയോയാണ് വ്യാപകമായി പ്രചരിക്കുന്നത്.

സുധാരാമന്‍ ഐഎഫ്എസാണ് വീഡിയോ പങ്കുവെച്ചത്. ആടാണോ മാനാണോ എന്ന് വീഡിയോയില്‍ വ്യക്തമല്ല. ഇരയ്ക്ക് പിന്നാലെ ഹിമപ്പുലി കുതിക്കുന്നതാണ് വീഡിയോയുടെ തുടക്കത്തില്‍. ചുറ്റും മഞ്ഞുമൂടി കിടക്കുകയാണ്. ഇരയെ പിടികൂടുന്ന സമയത്താണ് നിയന്ത്രണം വിട്ട് ഇരയ്‌ക്കൊപ്പം ഹിമപ്പുലി പര്‍വതത്തിന്റെ മുകളില്‍ നിന്ന താഴ് വാരത്തിലേക്ക് വീഴുന്നത്. അപ്പോഴും ഇരയെ ഹിമപ്പുലി കടിച്ചുപിടിച്ചിരിക്കുന്നത് വീഡിയോയില്‍ വ്യക്തമാണ്.

വീഴ്ചയുടെ ആഘാതത്തില്‍ ഹിമപ്പുലിക്ക് പരിക്ക് പറ്റിയോ എന്ന് വ്യക്തമല്ല. നിരവധി തവണമലക്കംമറിയുന്നത് വീഡിയോയില്‍ വ്യക്തമാണ്.