കൊച്ചി : പശ്ചിമേഷ്യന് സംഘര്ഷങ്ങളുടെ പശ്ചാത്തലത്തില് വിലക്കയറ്റം നേരിടാന് പ്രധാനമന്ത്രി നരേന്ദ്രമോദി മുന്നോട്ടുവെച്ച വര്ക്ക് ഫ്രം ഹോം ആഹ്വാനത്തിനു പിന്തുണയുമായി സോഷ്യല് മീഡിയ. നിര്ദേശത്തെ സ്വീകരിച്ചുകൊണ്ട് നിരവധി പോസ്റ്റുകളാണ് സോഷ്യല്മീഡിയയില് നിറയുന്നത്.
ഒരു വര്ഷത്തേക്ക് സ്വര്ണം വാങ്ങുന്നത് ഒഴിവാക്കുക, യാത്രക്ക് പൊതുഗതാഗത സംവിധാനങ്ങള് ഉപയോഗപ്പെടുത്തുക, വിദേശയാത്രകള് ഉപേക്ഷിക്കുക തുടങ്ങി നിരവധി നിര്ദേശങ്ങളാണ് പ്രധാനമന്ത്രി കഴിഞ്ഞ ദിവസം മുന്നോട്ടുവച്ചത്. ഇതില് വീട്ടിലിരുന്ന് ജോലി ചെയ്യാനുള്ള ആഹ്വാനത്തിനാണ് സോഷ്യല് മീഡിയയില് കൂടുതല് സ്വീകാര്യത.
'കാണാനൊട്ടും ആഗ്രഹമില്ലാത്തവരെ കാണാനായി ഇന്ധനവും കത്തിച്ച് ഓഫീസിലേക്കു പോകുന്നതില് അര്ഥമില്ലെ'ന്നാണ് വര്ക്ക് ഫ്രം ഹോം ആശയത്തെ പിന്തുണച്ചുകൊണ്ട് യുവതി സോഷ്യല് മീഡിയയില് കുറിച്ചത്. 'വര്ക്ക് ഫ്രം ഹോം തന്നിരുന്നെങ്കില് ശമ്പളത്തിന്റെ പകുതി ലാഭിക്കാമായിരുന്നു' എന്നുതുടങ്ങി നിരവധി പോസ്റ്റുകളും ട്രോളുകളുമാണ് സോഷ്യല് മീഡിയയില് ഇടംപിടിച്ചിരിക്കുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
