സുഖോയ് യുദ്ധവിമാനം അപകടത്തില്‍പ്പെട്ടു?; റഡാറുമായുള്ള ബന്ധം നഷ്ടപ്പെട്ടു, തെരച്ചില്‍

ന്യൂഡല്‍ഹി: ഇന്ത്യന്‍ വ്യോമസേനയുടെ യുദ്ധവിമാനം അപകടത്തില്‍പ്പെട്ടെന്ന് സംശയം. സുഖോയ് 30 എംകെഐ അസമില്‍വെച്ച് റഡാറില്‍നിന്ന് അപ്രത്യക്ഷമായെന്ന് ഇന്ത്യന്‍ വ്യോമസേന അറിയിച്ചു. അസമിലെ ജോര്‍ഹട്ടില്‍ ആണ് സംഭവം.

വൈകുന്നേരം 7.42 ഓടെയായിരുന്നു അവസാനമായി വിമാനത്തില്‍ നിന്നും സിഗ്‌നല്‍ ലഭിച്ചതെന്ന് വ്യോമസേന എക്‌സില്‍ കുറിച്ചു. തിരച്ചില്‍ തുടരുകയാണെന്നും കൂടുതല്‍ വിവരങ്ങള്‍ക്കായി കാത്തിരിക്കുന്നുവെന്നും വ്യോമസേന കുറിപ്പില്‍ പറയുന്നു.