ചെന്നൈ: അച്ഛന്റെ തല ഭിത്തിയലടിച്ച് കൊലപ്പെടുത്തിയ കേസിൽ ഇരുപതുകാരൻ അറസ്റ്റിൽ. തമിഴ്നാട് തിരുവള്ളൂരിൽ കഴിഞ്ഞ ദിവസം രാത്രിയാണ് സംഭവം. തിരുവള്ളൂർ സ്വദേശി വേണുവാണ് കൊല്ലപ്പെട്ടത്. മകൻ മണികണ്ഠനാണ് അറസ്റ്റിലായത്.
ഭാര്യയുടെ മരണത്തിന് പിന്നാലെ അഞ്ചു വർഷമായി വേണു മകനോടൊപ്പമായിരുന്നു താമസം. പ്രതിക്ക് മദ്യപാന ശീലമുണ്ടായിരുന്നതായും മദ്യപിക്കാൻ പണം നൽകണമെന്നാവശ്യപ്പെട്ട് പിതാവിനെ നിരന്തരം ഉപദ്രവിക്കാറുണ്ടായിരുന്നെന്ന് പൊലീസ് പറഞ്ഞു.
സംഭവ ദിവസം മണികണ്ഠനും വേണുവും തമ്മിൽ വാക്കുതർക്കമുണ്ടായി. ഇതിനിടെ പ്രതി വേണുവിന്‍റെ തല ഭിത്തിയിൽ ഇടിപ്പിക്കുകയായിരുന്നു. വേണു ബോധംകെട്ടു വീഴുകയും തലയിൽ നിന്ന് രക്തം വരികയും ചെയ്തു. ഇത് ശ്രദ്ധിക്കാതെ യുവാവ് ഉറങ്ങി. പിറ്റേ ദിവസം രാവിലെയാണ് പിതാവ് മരണപ്പെട്ട വിവരം മണികണ്ഠൻ അറിയുന്നത്. മരണ വിവരം പുറത്തറിഞ്ഞതോടെ അയൽവാസികൾ ചേർന്ന് പൊലീസിൽ വിവരമറിയിക്കുകയായിരുന്നു
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
