അയൽവാസി 3 വയസുകാരിയെ പ്രലോഭിപ്പിച്ച് വീട്ടിലേക്ക് കൊണ്ടുപോയി; മൊബൈലിൽ അശ്ലീല വീഡിയോ കാണിച്ച് ലൈം​ഗികമായി പീഡിപ്പിച്ചു;  കൗമാരക്കാരന്‍ കസ്റ്റഡിയിൽ

ലക്നൗ: യുപുയിലെ കാൻപൂരിൽ 13കാരൻ മൂന്നുവയസുകാരിയെ അശ്ലീല വിഡിയോ കാണിച്ച്​ ബലാത്സംഗം ചെയ്​തതായി പരാതി. കുട്ടിയുടെ മാതാപിതാക്കളുടെ പരാതിയിൽ പൊലീസ്​ കേസ് രജിസ്റ്റർ ചെയ്തു. ​മൂന്നുവയസുകാരിയെ ചികിത്സക്കായി ആശുപത്രിയിൽ പ്രവേശിപ്പിച്ചിരിക്കുകയാണ്​. ഞായറാഴ്ചയാണ്​ കേസിനാസ്പദമായ സംഭവം.

അയൽവാസിയായ 13കാരൻ വൈകുന്നേരം കുട്ടിയെ പ്രലോഭിപ്പിച്ച്​ വീട്ടിലേക്ക്​ കൂട്ടിക്കൊണ്ടുപോയ  ശേഷം മൊബൈൽ ഫോണിൽ അശ്ലീല ചിത്രം കാണിക്കുകയം അതിന് ശേഷം ബലാത്സംഗം ചെയ്യുകയുമായിരുന്നു. അതിന് പിന്നാലെ അവശയായ കുട്ടിയുടെ വീടിന് പുറത്ത് ഉപേക്ഷിക്കുകയായിരുന്നെന്ന് രക്ഷിതാക്കൾ പൊലീസിൽ നൽകിയ പരാതിയിൽ പറയുന്നു.

തുടർന്ന്​ കുട്ടിയെ സമീപത്തെ ക്ലിനിക്കിൽ പ്രവേശിപ്പിക്കുകയും വീട്ടിലേക്ക്​ തിരിച്ചുകൊണ്ടുവരികയും ചെയ്​തു. എന്നാൽ രാത്രിയോടെ ആരോഗ്യനില മോശമായതിനെ തുടർന്ന്​ ലാല ലജ്​പത്​ ആശുപത്രിയിൽ പ്രവേശിപ്പിച്ചു. സംഭവത്തിൽ കേസ്​ രജിസ്റ്റർ ചെയ്​തതായും 13കാരനെ കസ്റ്റഡിയിലെടുത്തതായും ജുവനൈൽ കോടതിയിൽ ഹാജരാക്കുമെന്നും പൊലീസ്​ പറഞ്ഞു.