മോഷണശ്രമത്തിനിടെ യുവാവിന്റെ കഴുത്ത് വാതിലിനിടയില്‍ കുടുങ്ങി; ദാരുണാന്ത്യം

ലഖ്‌നൗ: മോഷണ ശ്രമത്തിനിടെ യുവാവ് വാതിലിനിടയില്‍ കുടുങ്ങി മരിച്ചു. വാരാണസിയിലെ സാരാനാഥിലെ ഡാനിയാല്‍ പൂരിലാണ് സംഭവം. മുപ്പതുവയസുകാരനയായ ജാവേദ് ആണ് മരിച്ചത്.

ഇയാള്‍ സ്ഥിരം മോഷ്ടാവാണെന്ന് പൊലീസ് പറഞ്ഞു. നിസാം എന്നയാളുടെ നെയ്ത്തുശാലയിലാണ് യുവാവ് മോഷ്ടിക്കാന്‍ കയറിയത്. കഴിഞ്ഞ രണ്ടുദിവസമായി നെയ്ത്തുശാല അടച്ചിട്ടിരിക്കുകയിരുന്നെന്ന് പൊലീസ് പറഞ്ഞു.

നെയ്ത്തുശാലയുടെ വാതിലിന് മുകളില്‍ പൂട്ടുള്ളത് അറിയാതെ അകത്തുകയറാന്‍ ശ്രമിക്കുന്നതിനിടെ മോഷ്ടാവിന്റെ കഴുത്ത് വാതിലിനിടയില്‍ കുടുങ്ങി. ശരീരത്തിന്റെ ബാക്കിഭാഗം വാതിലിന് പുറത്താവുകയും ചെയ്തു. മൃതദേഹം പോസ്റ്റ്‌മോര്‍ട്ടത്തിന് അയച്ചതായി പൊലീസ് പറഞ്ഞു.

ഈ വാര്‍ത്ത കൂടി വായിക്കൂ അവിഹിത ബന്ധം, മകളെയും മകന്റെ ഭാര്യയെയും നോട്ടമിട്ടു; വെട്ടിനുറുക്കി ഫ്രിഡ്ജില്‍ വെച്ചു; പുറത്തുവരുന്നത് ഞെട്ടിക്കുന്ന വിവരങ്ങള്‍

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ