രാജ്യത്തിന് അഭിമാനമായി നാല് വർഷം മുൻപ് ഓടിത്തുടങ്ങിയ വന്ദേ ഭാരത് എക്സ്പ്രസ് ട്രെയിനുകൾക്ക് ആരാധകർ നിരവധിയാണ്. ഇപ്പോഴിതാ വന്ദേ ഭാരത് എക്സ്പ്രസിൽ നിന്നും പ്രചോദനം ഉൾകൊണ്ട് ഒരു റെസ്റ്റോറന്റ് തുറന്നിരിക്കുകയാണ്. ഗുജറാത്തിലെ സൂറത്തിലാണ് ഈ റെസ്റ്റോറന്റ് പ്രവർത്തിക്കുന്നത്.
പുറമേ നിന്നും അകമേ നിന്നും തനി വന്ദേ ഭാരത് എക്സ്പ്രസ്. ട്രെയിനിനുള്ളിൽ സീറ്റുകൾ ക്രമീകരിച്ചിരിക്കുന്നതിന് സമാനമായി നീല നിറത്തിലാണ് റെസ്റ്റോറന്റിനുള്ളിലും സീറ്റുകൾ ക്രമീകരിച്ചിരിക്കുന്നത്. രൂപത്തിൽ മാത്രമല്ല റെസ്റ്റോറന്റിന്റെ മെനുവിനും ഉണ്ട് പ്രത്യേകതകൾ.
രണ്ട് തരം സൂപ്പ്, ഏഴ് തരം ചാട്ട്, പത്ത് തരം സാലഡ്, രണ്ട് തരം ഗാർലിക്ക് ബ്രഡ്, മൂന്ന് വെറൈറ്റി പിസയുമടങ്ങുന്ന വിഭവ സമൃദ്ധമായ മെനുവിന് 269 രൂപയാണ് ഈടാക്കുന്നത്. കൂടാതെ ഇവിടെ ശീതളപാനീയങ്ങൾ അൺലിമിറ്റഡ് ആണെന്നും വിഡിയോയിൽ പറയുന്നു. രാത്രി ഭക്ഷണത്തിന് 289 രൂപയാണ് വില. ഇൻസ്റ്റഗ്രാമിൽ റെസ്റ്റോറന്റ് വിഡിയോ വൈറലായതോടെ നിരവധി ആളുകളാണ് ഇവിടെ ടിക്കറ്റിനായി കാത്തു നിൽക്കുന്നത്. രണ്ട് ദശലക്ഷത്തിലധികം ആളുകളാണ് വിഡിയോ കണ്ടത്. നിരവധി ആളുകളാണ് വേറിട്ട ആശയത്തെ പ്രശംസിച്ച് രംഗത്തെത്തിയത്. വളരെ മികച്ച ആശയമെന്നായിരുന്നു വിഡിയോയ്ക്ക് താഴെ ഒരാൾ കമന്റ് ചെയ്തത്.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
