ഹൈദരബാദ്: അജ്ഞാത നമ്പറില് നിന്ന് വാട്സാപ്പ് വീഡിയോ കോള് എടുത്തതിന് പിന്നാലെ 30കാരന് 55,000 രൂപ നഷ്ടമായി. യുവാവിന്റെ നഗ്നദൃശ്യങ്ങള് പ്രചരിപ്പിക്കുമെന്ന് പറഞ്ഞ് ബ്ലാക്ക്മെയില് ചെയ്താണ് പണം തട്ടിയത്.
ദിവസങ്ങള്ക്ക് മുന്പ് തനിക്ക് അജ്ഞാത വ്യക്തിയില് നിന്ന് വീഡിയോ കോള് ലഭിച്ചിരുന്നു. ഫോണില് ഓഡിയോ ഇല്ലാതെ ഒരു വീഡിയോ പ്രത്യക്ഷപ്പെട്ടതായും യുവാവ് പറയുന്നു. കുറച്ച് മിനിറ്റുകള്ക്ക് ശേഷം, മോര്ഫ് ചെയ്ത അശ്ലീല വീഡിയോ പങ്കുവെക്കുമെന്ന മേസേജ് ലഭിച്ചു. പണം നല്കിയില്ലെങ്കില് വീഡിയോ പങ്കുവെക്കുമെന്ന് പ്രതി ഭീഷണിപ്പെടുത്തിയതായി യുവാവ് പറയുന്നു.
ആദ്യം 5,000 രൂപ നല്കി, പിന്നീട് പ്രതികള് 30,000 രൂപ ആവശ്യപ്പെട്ടതായും യുവാവ് പറയുന്നു. ഭയം കാരണം പണം കൊടുത്തു. ദിവസങ്ങള്ക്ക് ശേഷം വീണ്ടും പണം ആവശ്യപ്പെടാന് തുടങ്ങി. ഇത്തവണ 20,000 രൂപ നല്കി. തുടര്ന്നും ഭീഷണി തുടര്ന്ന സാഹചര്യത്തിലാണ് പൊലീസിനെ സമീപിച്ചത്. സംഭവത്തില് കേസ് രജിസ്റ്റര് ചെയ്ത് അന്വേഷണം ആരംഭിച്ചതായി പൊലീസ് പറഞ്ഞു
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
