ജയ് ശ്രീറാം വിളിക്കണം, മുസ്ലീം യുവാവിന് മർദനം; വിഡിയോ വൈറൽ, അറസ്റ്റ് 

ഭോപാൽ: ജയ്​ ശ്രീറാം വിളിക്കാൻ നിർബന്ധിച്ച് മുസ്ലീം മതസ്തന് യുവാക്കളുടെ മർദനം. മധ്യപ്രദേശിലെ ഉജ്ജയിനിലാണ് സംഭവം. ഇതിന്റെ ദൃശ്യങ്ങൾ വൈറലായതിന് പിന്നാലെ രണ്ട് പേരെ അറസ്റ്റ് ചെയ്തു. 

മുസ്ലീം മതത്തിൽപ്പെട്ട ആളെ യുവാക്കൾ തടഞ്ഞുനിർത്തുന്നതും ജയ്​ ശ്രീറാം വിളിക്കാൻ ആവശ്യപ്പെടുന്നതും വിഡിയോയിൽ കാണാം. മുദ്രാവാക്യം വിളിക്കാൻ വിസമ്മതിച്ചതോടെ വിളിച്ചാൽ എന്താണ്​ കുഴപ്പമെന്ന്​ ചോദിച്ച്​ തട്ടിക്കയറുകയായിരുന്നു യുവാക്കൾ. ഒടുവിൽ നിർബന്ധത്തിന്​ വഴങ്ങി ജയ്​ ശ്രീറാം വിളിക്കുകയായിരുന്നു അയാൾ.