അഴിമതി ആരോപണം: തമിഴ്‌നാട് മുൻമന്ത്രി വേലുമണിയുടെ വീട്ടിൽ വിജിലൻസ് റെയ്ഡ് 

ചെന്നൈ: തമിഴ്‌നാട് മുൻമന്ത്രിയും അണ്ണാ ഡിഎംകെ നേതാവുമായ എസ് പി വേലുമണിയുടെ വീട്ടിൽ വിജിലൻസ് റെയ്ഡ്. മന്ത്രിയായിരിക്കെ അഴിമതി നടത്തിയെന്ന പരാതിയിലാണ് നടപടി. വേലുമണിയുടെ കോയമ്പത്തൂരിലെ വീട്ടിൽ രാവിലെ ആറ് മണി മുതൽ വിജലൻസ് സംഘം പരിശോധന നടത്തുകയാണ്. 

കോയമ്പത്തൂർ സ്വദേശിയായ ഒരു കരാറുകാരൻ മന്ത്രിയായിരിക്കെ വേലുമണി ഒന്നരക്കോടി രൂപ തട്ടിയെന്നാരോപിച്ച് നൽകിയ പരാതിയിലാണ് അന്വേഷണം. വേലുമണിയുടെ വസതിക്കുപുറമേ 52 ഇടങ്ങളിൽ പരിശോധന നടക്കുന്നുണ്ട്.