70കാരിക്ക് മിനുറ്റുകൾക്കകം രണ്ട് ഡോസ് വാക്സിൻ ഒരുമിച്ച് കുത്തിവെച്ചു; നിരീക്ഷണത്തിൽ 

കാൻപൂർ: വയോധികയ്ക്ക് കോവിഡ് പ്രതിരോധ വാക്സിൻ രണ്ട് ഡോസ് ഒരുമിച്ച് കുത്തിവച്ചു. യുപിയിലെ ജലൗണ്‍ ജില്ലയിലാണ് സംഭവം. ഭ​ഗവതി ദേവി എന്ന 70കാരിക്കാണ് രണ്ട് ഡോസ് ഒരുമിച്ച് കുത്തിവെച്ചത്. ഇതേത്തുടർന്ന് ഇവരെ നിരീക്ഷണത്തിലാക്കിയിരിക്കുകയാണ്. ഇതുവരെ ആരോഗ്യപ്രശ്നങ്ങളൊന്നും റിപ്പോർട്ട് ചെയ്തിട്ടില്ല.

ജയ്ഘ ബ്ലോക്കിൽ തദ്ദേശവാസികൾക്ക് വാക്സിൻ നൽകുന്നതിനായി രണ്ട് കൗണ്ടറുകൾ സ്ഥാപിച്ചിരുന്നു. ആദ്യത്തെ കൗണ്ടറിൽ നിന്ന് വാക്സിൻ എടുത്തശേഷം വിശ്രമിച്ചിരുന്ന ഭ​ഗവതി ദേവിയോട് വാക്സിൻ സർട്ടിഫിക്കറ്റ് വാങ്ങാനായി രണ്ടാമത്തെ കൗണ്ടറിൽ ചെല്ലാൻ ആവശ്യപ്പെട്ടു. ഇതനുസരിച്ച് അവിടെയെത്തിയപ്പോലഅ‍ വാക്സിൻ എടുത്തതിന് ശേഷമാണ് സർട്ടിഫിക്കറ്റ് തരുന്നതെന്ന് അറിയിച്ചു. ഉടൻതന്നെ ഒരു നഴ്സ് എത്തി വാക്സിൻ കുത്തിവച്ചു. ഒരിക്കൽ കുത്തിവച്ചതാണെന്ന് ഭ​ഗവതി ദേവി പറഞ്ഞതോടെയാണ് പിഴവ് സംഭവിച്ചെന്ന് മനസ്സിലായത്.